Lupita Nyong’o គឺជា​ឈ្មោះ​ស្ត្រី​ម្នាក់ ដែល​ទទួលបាន នូវ​ពានរង្វាន់​ស្ត្រី ដ៏​ស្រស់ស្អាត​ជាងគេ​

Friday 25th April 2014

ស្ត្រី​ជនជាតិ​ស្បែក​ខ្មៅ ដែល​មាន​ស្នាមញញឹម គួរអោយ​ទាក់ទាញ Lupita Nyong’o គឺជា​អ្នក​បាន​ដណ្តើមយក នូវ​ជ័យ​លោ​ភី​រង្វាន់ អូ​ស្ការ សម្រាប់​ឆ្នាំ​ទី​១២​នេះ​ដែល​មាន ឈ្មោះថា ស្ត្រី​ដ៏​ស្រស់ស្អាត ជាងគេ ។ ក្នុង​វ័យ​៣១​ឆ្នាំ ដែល​បច្ចុប្ប្ន​បា​បង្ហាញមុខ ដ៏​ស្រស់ប្រិមប្រិយ នៅលើ​គំរប​ទស្សនា​វ​ដ្តិ៍​ប្រចាំឆ្នាំ​។​

​គួរ​បញ្ជាក់​ផង​ដែរ​ថា កម្មវិធី ស្ត្រី​ដ៏​ស្រស់​ស្អាត​ជាងគេ គឺ​ធ្វើឡើង​តាមរយៈ ការគាំទ្រ​ពី​ប្រិយមិត្ត​តាម រយៈ​ទស្សនា​វ​ដ្តិ៍​។ Looktoday សូម​បង្ហាញ​ប្រិយមិត្ត​នូវ​រូបភាព តារា​ដែល​ជាប់​ចំណាត់ថ្នាក់ ជា​ស្ត្រី​ដែល​ស្រស់ស្អាត ជាង​គេ​កាលពី​ឆ្នាំកន្លងមក ៕​


ប្រ​ភ​ព​ពី​៖​ lookingtoday.com

Han Ga In មាន​ផ្ទៃពោះ​កូន​ដំបូង​ក្រោយ​អាពាហ៍ពិពាហ៍ ៩​ឆ្នាំ​

Friday 25th April 2014

​បន្ទាប់​ពី​ចាប់ដៃ​សាង​សុភមង្គល​ជាមួយ​ស្វាមី​ជា​តារា​សម្ដែង Yeon Jung Hoon ៩ ឆ្នាំ​មក តារា​ស្រី​ច្រមុះ​ស្រួច Han Ga In កំពុង​ពពោះ​កូន​ដំបូង​របស់​ខ្លួន​នៅ​ដំណាក់កាល​ដំបូង​។

​ប្រភព​ជិតដិត​នឹង​តារា​ទាំងពីរ​បាន​និយាយប្រាប់​សារព័ត៌មាន OSEN ថា ”​បន្ទាប់​ពី Yeon Jung Hoon និង Han Ga In  ដឹង​ពី​ព័ត៌មាន​ដែល​ពួកគេ​ទន្ទឹងរង់ចាំ​ជា​យូរ​មក​នេះ អ្នក​ទាំង​ពីរ​រីករាយ​ជាខ្លាំង​”​។​    ​ផ្ទៃពោះ​របស់ Han Ga In ស្ថិត​នៅ​ដំណាក់កាល​ដំបូង​ប៉ុណ្ណោះ តែ​ពួកគេ​មិន​អាច​ទ្រាំ​លាក់បាំង​នឹង​ដំណឹង​ដ៏​រីករាយ​នេះ​បានទេ​។   ​តារា​សម្ដែង​ទាំងពីរ​បាន​ចាប់ដៃ​សាង​សុភមង្គល​នឹង​គ្នា​នៅ​ថ្ងៃ ២៦ មេសា ឆ្នាំ ២០០៥ ហើយ​ទម្ងន់​របស់ Han Ga In គឺ​ជា​ដំណឹង​ដ៏​ល្អ​សម្រាប់​ខួប ៩ ឆ្នាំ​របស់​អ្នក​ទាំង​ពីរ​ដែល​នឹង​មក​ដល់​ពីរ​ថ្ងៃ​ទៀត​នេះ​៕​


ប្រ​ភ​ព​ពី​៖​ news.sabay.com.kh

ភាពយន្ត​រឿង "​ឥទ្ធិពល​នៃ​ស្នេហ៍​" ផ្ដិត​យក​រូបភាព​ពី​កម្ពុជា ទៅ​បង្ហាញ​នៅ​ចិន

Friday 25th April 2014

ខ្សែភាពយន្ត​ភាគ​ចិន​ខ្នាត​ធំ មាន​ចំណងជើង​ថា "​ឥទ្ធិពល​នៃ​ស្នេហ៍​" ជា​រឿង​បែប​មនោសញ្ចេតនា ដោយ​មាន​ការរៀបចំ​ថត នៅក្នុង ព្រះរាជាណាចក្រ​កម្ពុជា និង​នៅ​សាធារណរដ្ឋ​ប្រជាមានិត​ចិន ត្រូវ​បាន​ថត​ចប់​រួចរាល់​ជា​ស្ថាពរ​ហើយ និង​កំពុងតែ​ត្រៀម​ចាក់​បញ្ចាំង ក្នុង​ពេល​ឆាប់ៗ​នេះ ។​

​ខ្សែភាពយន្ត ដែល​បាន​មក​ផ្ដិត​រូបភាព ក្នុង​ព្រះរាជាណាចក្រ​កម្ពុជា ជាពិសេស​ក្នុង​តំបន់​អង្គរ គឺជា​ការ​ផលិតឡើង ដោយ​ផលិតកម្ម Beijing Jinyi Celebration Cultural Promotion មាន​ចំនួន​៣០​ភាគ ដឹកនាំ​សម្តែង​ដោយ អ្នកដឹកនាំ​ផលិត​ខ្សែភាពយន្ត ដ៏​ល្បីល្បាញ​ប្រចាំ សាធារណរដ្ឋ ប្រជាមានិត​ចិន ។​ ​នៅក្នុង​រឿង​នេះ ក្រុម​ផលិត​ខ្សែ ភាពយន្ត បាន​ជ្រើសរើស​យក​ទឹកដី ព្រះរាជាណាចក្រ​កម្ពុជា ដែល​ជា​ប្រទេស​ប្រកប ដោយ​វប្បធម៌​ដ៏​ផូរផង់ ធ្វើ​ជា​ទីកន្លែង​ដែល​តួឯក​ប្រុស និង​តួឯក​ស្រី ជួប និង​ចាប់ផ្តើម​ស្រឡាញ់គ្នា ខណៈ​តួឯក​ប្រុស សម្តែង​ដោយ​លោក Huang Hai Bo និង​អ្នកនាង Zhang Jing Chu ជា​តួឯក​ស្រី ។ ខ្សែភាពយន្ត​នេះ នឹង​បញ្ចាំង នៅក្នុង​ស្ថានីយទូរទស្សន៍ Hunan ដ៏​ពេញនិយម និង​មាន​សេវា​គ្របដណ្តប់​ពេញ​ប្រទេស​ចិន​។​ សាច់​រឿង​នេះ ក៏​បាន​ឆ្លុះបញ្ចាំង ពី​ជីវិត​យុវវ័យ​ពោរពេញ​ដោយ​ឧបសគ្គ ដំណោះស្រាយ​ក្នុង​ការរស់នៅ និង​ជីវិត ស្នេហា នៅក្នុង​សង្គម ដែល​មាន​ភាព​អភិវឌ្ឍន៍ ដ៏​ឆាប់រហ័ស​មួយ អម​ដោយ​ទេសភាព​ប្លែក ចំឡែក​អារម្មណ៍ ក្នុងប្រទេស​កម្ពុជា គួរ​ជាទី​មោទនៈ សម្រាប់​ប្រជាជាតិ​ខ្មែរ​ទាំងមូល យក​ទៅ​បង្ហាញ​នៅក្នុង​ប្រទេស​មហាអំណាច​មួយ​នេះ ខណៈ​ដែល​កន្លងមក ក៏​មាន​ផលិតកម្ម​ល្បីៗ នៅ​ក្រៅ​ប្រទេស​មក​ផ្ដិត​យក​រូបភាព​តាមរយៈ​ការរៀបចំ​ថត ជា​ខ្សែភាពយន្ត​នេះដែរ ៕​


ប្រ​ភ​ព​ពី​៖​ lookingtoday.com

ប្រើ​សុដន់ និង​កំបេះ​គូ​ថ របស់​ស្ត្រី​ប្រគំ​តន្ត្រី​បាន​យ៉ាង​ពិរោះ​!

Thursday 24th April 2014

រឿង​ដែល​នឹកស្មាន​មិន​ដល់ ធ្វើឲ្យ​អ្នកទស្សនា មាន​ការចាប់អារម្មណ៍ ជាខ្លាំង​នោះ គឺ​ការប្រគុំ​តន្ត្រី ដោយ​ប្រើ​សុដន់ និង​កំបេះ​គូ​ថ របស់​មនុស្ស​ស្រី និង​ប្រុស បង្កើតបានជា បទ​ភ្លេង​មួយ ដែល​ធ្វើឲ្យ​មនុស្ស ជាច្រើន​មាន​ការកោតសរសើរ ជាមួយ​បុរស ដែលជា​អ្នក​លេងភ្លេង ម្នាក់នេះ​។​

​យោង​តាម​វីដេអូ​មួយ មាន​ប្រមាណ​ជាង ២​នាទី ហើយ​ត្រូវមាន​គេ​បង្ហោះ​ចូល​ក្នុង​បណ្តាញ​ទំនាក់ទំនង​យក្ស​Facebook និង​មាន​ការគាំទ្រ​យ៉ាងខ្លាំង ពី​សំណាក់​មិត្ត យុវវ័យ​។ យ៉ាងណាមិញ​ដូច​បាន ជម្រាប​ខាងលើ ការប្រគុំ​ត​ន្រី្ត​បែបនេះ ប្រហែលជា​មាន​តែ​បុរស​ម្នាក់​នេះ​ទេ ដែល​អាច​ធ្វើបាន យ៉ាង​ល្អ​បែបនេះ​។​


ប្រ​ភ​ព​ពី​៖​ lookingtoday.com

នាំគ្នា​មក​មើល រូបថត​កាលពី នៅ​ក្មេង​របស់ មេដឹកនាំ កូរ៉េខាងជើង បន្តិច​មើល យ៉ាងណាដែរ​?

Thursday 24th April 2014

កាលពី​ពេល​ថ្មីៗ​នេះ រូបថត​របស់​មេដឹកនាំ ប្រទេស​កូរ៉េខាងជើង គឺ​លោក Kim Jong-Un កាលពីពេល ដែល​លោក មាន​អាយុ ៤ ឬ ៥​ឆ្នាំ ហើយ​ត្រូវបាន ផ្សព្វផ្សាយ​នៅ តាម​ទូរទស្សន៍ ក្នុងស្រុក​មួយ ។​

​រូបភាព​ទាំងនេះ គឺ​បង្ហាញ​ពី​ក្មេងប្រុស​ម្នាក់ ដ៏​គួរអោយ​ស្រឡាញ់ ស្ថិតនៅ​ក្នុង​ឯកសណ្ឋាន ទាហាន​កំពុងធ្វើការ គោរព​ក្នុងតួនាទី ជា​កងទ័ព​។​   ​យើង​អាច​មើលឃើញ ទឹកមុខ​ស្រស់ស្រាយ និង​សុភាពរាបសារ របស់​កុមារ​ម្នាក់​នោះ ប៉ុន្តែ​អ្វី​ដែល​មិន​នឹកស្មាន គឺ​ថា​កុមារ​ដែល​នៅក្នុង រូបថត​នោះ​បាន​ក្លាយ ទៅ​ជា​យុវជន​ដ៏​គួរ អោយ​ខ្លាច និង​ជា​មេដឹកនាំ ដ៏​ផ្តាច់ការ​បំផុត ម្នាក់​ទៅ​វិញ​។​  ​នៅ​មាន​រូបភាព មួយទៀត ដែល​បង្ហាញ​កាលពី​លោក Jong-Un នៅ​វ័យ​ជំទង់ ដែល​កាលនោះ រូប​លោក​មិន​ដែល ខ្វាយខ្វល់​ពី​រឿង នយោបាយ​អ្វី​ឡើយ ព្រោះថា​លោក​ចាប់អារម្មណ៍ ក៏ដូចជា​ឈ្លក់​វង្វេង និង​កីឡាបាល់បោះ តែមួយគត់​។​    ​គួរ​បញ្ជាក់​ផង​ដែរ​ថា លោក​គីម ជុង​អ៊ុន (Kim Jong-Un) ត្រូវបាន​គេ​ស្គាល់​ថា ជា​មនុស្ស​ដ៏​គួរអោយ ខ្លាច​បំផុត​និង ជា​មេដឹកនាំ​ដ៏​ផ្តាច់ការ​ម្នាក់ បន្ទាប់ពី​លោក​បាន ចេញ​បញ្ជា​អោយ ប្រហារ​ជិវិត​គ្រួសារ​ពូ របស់ខ្លួន ដោយ​មិន​ញញើត​ដៃ​៕


ប្រ​ភ​ព​ពី​៖​ khmerload.com

Clara Lee បង្ហើប​អាថ៌កំបាំង​ឲ្យ​រាង និង​ស្បែក​ស្អាត​

Thursday 24th April 2014

​តារា​សម្ដែង​ចាយរាង Clara បាន​បង្ហើប​ពី​អាថ៌កំបាំង​មួយចំនួន​ពាក់ព័ន្ធ​នឹង​ការរក្សា​រាង​ឲ្យ​ស្រឡូ​ន និង​ស្បែក​ភ្លឺរលោង​ស្អាត​។ ក្នុង​កម្មវិធី “Seo In Young’s Star Beauty Show Season 4” របស់​ប៉ុស្តិ៍ SBS តារា​ស្រី​រាង​ឡូយ​បាន​ប្រាប់ថា រៀង​រាល់​ពេលទំនេរ​ពី​ថត នាង​តែង​យក​ពេល​ទាំងនោះ​ទៅ​រាំ​តាម​បទ​ចម្រៀង​របស់​ក្រុម Girl’s Day “Female President” ដែល​ក្បាច់​រាំ​ក្នុង​បទ​នេះ​ជួយ​រូបរាង​នាង​នៅតែ​ល្អ​។​

​នាង​បង្ហើប​ទៀតថា មុន​ពេល​ថត​ម្ដងៗ​ដើម្បី​ឲ្យ​ស្បែក​របស់​នាង​មើល​ទៅ​រលោង និង​មាន​សុខភាព​ល្អ នាង​ត្រូវ​ដេក​ហាលថ្ងៃ​ឲ្យ​ស្បែក​រាង​ស្រគំ​បន្តិច​។ នាង​ថា មាន​ម្ដងនោះ នាង​ថែម​ទាំង​ស្រាត​ទាំងអស់​អាំង​ថ្ងៃ​នៅ​ឆ្នេរ​មួយ​របស់​ថៃ​ទៀតផង ខណៈ​ម្នាក់ៗ​ចំហ​មាត់​ធ្លុង​ពេលឮ​នាង​និយាយ​បែបនេះ​។   ​មិនមែន​មាន​តែ​ការ​រាំ និង​អាំង​ថ្ងៃនេះ​ទេ​ដែល​ជួយ​ឲ្យ​រូបរាង​នាងស្អាត ពេលទំនេរ​នាង​ក៏​បាន​ទៅ Gym ធ្វើ​លំ​ហាត់ប្រាណ​តាម​គ្រូបង្ហាត់​ត្រឹមត្រូវ​ដើម្បី​រក្សា​រាង​នេះដែរ​។​​


ប្រ​ភ​ព​ពី​៖​ news.sabay.com.kh

កញ្ញា Son Ye Jin តារា​សម្តែង​កូរ៉េ​

Thursday 24th April 2014

​កូរ៉េខាងត្បូង ៈ កញ្ញា Son Ye Jin ដែល​មានឈ្មោះ​ដើម​ថា Eon Jin Son បាន​កើត​នៅ​ថ្ងៃទី ១១ ខែ មករា ឆ្នាំ ១៩៨២ ។ នាង​គឺជា​តារា​សម្តែង​ដ៏​ល្បី​ឈ្មោះ​របស់ កូរ៉េខាងត្បូង ។ នាង​ចាប់ផ្តើម អាជីប​ដំបូង​របស់​នៅ​ឆ្នាំ ២០០០ ក្នុង​រឿង Secret Tears ប៉ុន្តែ​អស់​រយៈពេល​ជាច្រើន​ឆ្នាំ​កន្លងមក នាង​បាន​សម្តែង​ក្នុង​ខ្សែភាពយន្ត និង​កម្មវិធី​ទូរទស្សន៍​ជាច្រើន ។ ខ្សែភាពយន្ត​ទីមួយ​ដែល​ធ្វើ ឲ្យ​នាង​ល្បីឈ្មោះ គឺ​រឿង Chihwaseon ដឹកនាំ​សម្តែង​ដោយ​លោក Im Kwon Taekand ដែល​បាន​ដាក់​បញ្ចាំង​ក្នុង​កម្មវិធី Cannes Film Festinal ។ ភាពយន្ត​ជាច្រើន​ផ្សេងៗ​ទៀត​ក៏ បាន​ធ្វើឲ្យ​នាង​មាន​ភាពល្បីល្បាញ​ផងដែ​រដូច​ជា​រឿង​៖ The Classic, A Moment to Remember, April Snow, My Wife Got Married or Spellbound ។​


ប្រ​ភ​ព​ពី​៖​ news.happycambodia.com

វិធី​កែខៃ​បញ្ហា​ក្លៀក​ខ្មៅ​

Thursday 24th April 2014

ចៀសវាង​ពី​ការ​ដុស ខាត់​ខ្លាំងៗ និង​ឈប់​ប្រើ​សារធាតុ​គីមី​ដែល​បង្ក​ឲ្យ​កើត​រមាស់ ឫ​ប្រតិកម្ម​ភ្លាមៗ ដូចជា​ទឹកអប់ គួរ​ប្តូរ​ប្រើ​រ៉ូ​អន ប្រភេទ​មិនមាន​សារធាតុ​បង្កើត​ក្លិន​ក្រអូប “Fragrance Free” ដោយ​សង្កេតមើល​ស្លក បើសិន​មាន​សារធាតុ​ប្រតិកម្ម គួរ​ចៀសវាង ហើយ​ប្រើ​ថ្នាំ​រៅងាប់​ក្លិន​បែបផ្សេង​វិញ ។ ប៉ុន្តែ​គួរ​សាកល្បង​ប្រើ​វិធី​ធម្មជាតិ​ខ្លះ ព្រោះ​វា​ក៏​ជួយ​ឲ្យ​រង្វង់​ក្លៀក​របស់​អ្នក​ស​ស្អាត​បានដែរ ។​


ប្រ​ភ​ព​ពី​៖​ news.happycambodia.com

ស្តេច Snooker ប្រើ​ស្រី​ស្អាតៗ​២​រូប ដើម្បី​បង្ហាញ​ពី​ភាព​ខ្លាំង​របស់​ខ្លួន

Thursday 24th April 2014

 រឹតតែ​សាហាវ​ជាង​មុន ទៅទៀត​នៅ​ពេល​នេះ មាន​នារី​សិច​ស៊ី ដល់​ទៅ ២​នាក់​អង្គុយ និង​ដេក​លើ​តា​ប Snooker ដើម្បី​ធ្វើ​ជា​ឧបសគ្គ ដល់​ស្តេច Snooker ដែល​ព្យាយាម វាយ​កូន​បញ្ចូល​ឡូ តែ​ទោះបីជា​លេង​ស្ទីល បែបណា​ក៏​បុរស ជើង​ខ្លាំង​ម្នាក់នេះ វាយ​បាន​ចូល​ឡូ​ស្ទើរតែ គ្រប់​ការបុក របស់​គាត់​ផង​ដែរ ។​

​ពីមុន​ប្រិយមិត្ត​ធ្លាប់តែ ឃើញ​នារី​តែ​ម្នាក់​គត់ ដែល​អង្គុយ​រំខាន ដល់​ការលេង តែ​ពេល​នេះ​មាន​ដល់ ទៅ​២​នាក់ ក៏​មិន​អាច​ទប់ ជាប់​បាន​ដែរ ជាមួយនឹង ជំនាញ​ដ៏​ប៉ិនប្រសប់ របស់គាត់ ស្របពេល​ដែល​កំពុងតែ ទាញ​ចំណាប់អារម្មណ៍ យ៉ាងណា​ក៏ដោយ​ចុះ ។ ដើម្បី​ឲ្យ​ប្រាកដថា វា​អស្ចារ្យ​ប៉ុណ្ណា​នោះ យើង​ចូលរួម​ទស្សនា​វីដេអូ ខាងក្រោម​ទាំងអស់គ្នា ៕​


ប្រ​ភ​ព​ពី​៖​ lookingtoday.com

សោម ម៉ាល័​ក្ខ ថ្ងូរ​ម្នាក់ឯង​.. ក្រោយ​បែក​ប្ដី​បាន​៤​ថ្ងៃ​

Thursday 24th April 2014

ក្រោយ​ពី​ពិធី​មង្គលការ របស់​តារា​ស្រី​សម្បុរ​ស្រ​អែម អ្នកនាង សោម ម៉ាល័​ក្ខ និង ស្វាមី​ថ្មោងថ្មី ជា​អាណិកជន​ខ្មែរ រស់នៅ​អូស្ត្រាលី បាន​បញ្ចប់ទៅ គេ​សង្កេតឃើញថា គូ​ស្វាមីភរិយា​មួយ​នេះ បាន​ប្រញាប់ប្រញាល​ដឹក​ដៃ​គ្នា​ដើរលេង នៅ​តាម​រមណីយដ្ឋាន ក្នុង​ប្រទេស​ជាច្រើន​កន្លែង ដើម្បី​សាង​អនុស្សាវរីយ កាន់តែ​ផ្អែម​ជាមួយគ្នា មុន​ពេល​ស្វាមី ត្រូវ​ឃ្លាត​ចេញពី​ដើមទ្រូង ទៅ​បំពេញ​ការងារ ឯនាយ​សមុទ្រ​វិញ ។​

​បន្ទាប់​ពី​អតីត​អ្នក​មេម៉ាយ ចាយ​រាង អ្នកនាង សោម ម៉ាល័​ក្ខ បាន​ចូល​រោងការ ជាមួយ​ស្វាមី​ថ្មី ដើម្បី​បញ្ចប់​ភាព​មេម៉ាយ​នោះ ធ្វើឲ្យ​មហាជន​គិតថា តារា​ស្រី​រូបនេះ អាច​នឹង​ក្លាយជា មនុស្ស​ស្រី​ម្នាក់ ដែល​មានសំណាង និង​សុភមង្គល​គ្រួសារ មិន​ចាញ់​អ្នកសិល្បៈ​ផ្សេងៗ ដោយសារតែ​នាង​ធ្លាប់ បាន​បញ្ជាក់​ប្រាប់ LookingTODAY ថា ការ​រៀបការ​លើក​ទី​២​នេះ គឺជា​មង្គលការ ដែល​ធ្វើឲ្យ​នាង មាន​សុភមង្គល ពេញចិត្ត នឹង​រៀបការ​ជាមួយ​ស្វាមី ។ ម្យ៉ាង​ទៀត​ព្រោះ​តែ​ការស្រឡាញ់ យល់​ចិត្តថ្លើម​គ្នា​នេះហើយ គឺ​ដាច់ខាត​ចំណង​ស្នេហ៍​នេះ មិន​អាច​មាន​ភាព​រង្គោះ​រង្គើ ដូច​មង្គលការ​មុន​ឡើយ ។​  ​តែ​អ្វី​គ្រប់យ៉ាង ដែល​តារា​សម្តែង អ្នកនាង សោម ម៉ាល័​ក្ខ បាន​អះអាង​ក្តែងៗ ជា​សាធារណៈ នោះ បានប្រែក្លាយ​ទៅជា​ចម្ងល់​ធ្វើឲ្យ​ទស្សនិកជន និង​អ្នកគាំទ្រ​នាង​ជា​ច្រើន មាន​ការភ្ញាក់ផ្អើល​ស្ទើរ នឹកស្មាន​មិន​ដល់ ក្រោយ​ពី​នាង​បង្ហោះ​រូបថត ជា​ច្រើន​សន្លឹក បង្ហាញ​ពី​ភាព​សោក សៅ​បង្ហូរទឹកភ្នែក រំលេច​លើ​បណ្តាញ​ទំនាក់ទំនង​សង្គម Facebook របស់​នាង​។​   ​តាមរយៈ​ការបង្ហាញ​រូបភាព បែបនេះ បាន​ធ្វើ​ឲ្យ​មិត្តភក្តិ​ក្នុង បណ្តាញ​សង្គម​បាន Comment សួរនាំ ពី​ទុក្ខសោក​នាង និង​មូលហេតុ ដែល​នាង​បង្ហូរទឹកភ្នែក​ជាច្រើន​នាក់​។ តែ​ទីបំផុត​មូលហេតុ នៃ​ការ​សម្រក់​ទឹកភ្នែក​នោះ មិនមែន​មកពី​នាង​មាន​បញ្ហា​រកាំរកូស ជួប​ភាពឈឺចាប់ ស្អិត​ទ្រូង​អ្វី​ជាមួយ​ស្វាមី​នោះ​ទេ ធាតុ​ពិត​ការដែល​នាង​ស្រក់​ទឹកភ្នែក ពិបាកចិត្ត​នោះ គឺ​ដោយសារតែ​នាង​ថ្ងូរ​នឹក​ស្វាមី ឃ្លាតឆ្ងាយ​ពី​ដើមទ្រូង​ខ្លាំងពេក ខណៈ​ដែល​ទើបតែ​រៀបការ​ហើយ​ថ្មីៗ នៅ​ក្នុង​ការឆ្លើយតប ជាមួយ​មិត្តភក្តិ ក្នុង Facebook នោះ នាង​បាន​សរសេរថា “​ខ្ញុំ​នឹក​ប្តី​ខ្ញុំ​ណាស់​…​ហ៊ី​....”​។​   ​ការ​ថ្លែង​ដោយ​ពាក្យ​ត្អូញត្អែរ​តាម​ហ្វេ​សប៊ុក របស់​នាង​បែប​នេះ គឺ​ធ្វើឡើង​បន្ទាប់​ពី​ស្វាមី​របស់​នាង បាន​ចាកចេញ​ទៅ​អូស្ត្រាលី​វិញ កាលពី ថ្ងៃទី​១៩ ខែ​មេសា ឆ្នាំ​២០១៤ កន្លងទៅនេះ ៕


ប្រ​ភ​ព​ពី​៖​ lookingtoday.com

សាន សុ​ម៉ាលី បង្ហាញ​ក្ដី​ឈឺចាប់ និង​ដឹង​កំហុស​ខ្លួនឯង ក្រោយ​បរាជ័យ​ស្នេហ៍​ផ្ទួនៗ​

Thursday 24th April 2014

តារា​សម្តែង និយម​សម្ញែង សាច់​ដើមទ្រូង​មូល​ក្បំ បង្អួត​កន្លង់ៗ កញ្ញា សាន សុ​ម៉ាលី មួយ​រយៈ​ចុង​ក្រោយ​នេះ ត្រូវបាន​គេ​មើល ឃើញថា ទីផ្សារការងារ ហាក់​ពុំ​សូវ លេចធ្លោ​ខ្លាំង​នោះឡើយ​។ ប៉ុន្តែ​ផ្ទុយទៅវិញ តារា​ស្រី​រូបនេះ បែរជា​មាន ភាព​លេចធ្លោ​ខ្លាំង លើ​រឿងអាស្រូវ​ស្នេហា មិន​ប្រាកដប្រជា ឬ​អាច​និយាយ បាន​ថា​ជា​ស្នេហា ភ្លើង​ចំបើង​។​

​ក្នុង​អំឡុង​ពេល​ថ្មីៗ​នេះ​តារា​សម្តែង​ស្រី សាន សុ​ម៉ាលី ហាក់​កំពុងតែជួបប្រទះ​នូវ​វិបត្តិ​សេ្ន​ហាដ៏​ធ្ងន់ធ្ងរ ព្រោះតែ​គូស្នេហ៍​សំណព្វ​ចិត្ត បែក​បែរ​ទៅ​ស្រ​វ៉ា​យក​ស្រី​ថ្មី បញ្ឈឺ​ចិត្ត ធ្វើឲ្យ​នាង​គ្រាំគ្រា​ស្ទើរ​គាំងបេះដូង គ្មាន​ពេល​ល្ហែ​ល្ហើយ រហូត​សម្រេច​ចិត្ត​បង្ហោះ​សារ​ជា​ភាសា​ខ្មែរ នៅលើ​បណ្តាញ ទំនាក់ទំនង​សង្គម​ហ្វេ​សប៊ុក បង្កប់ន័យ​ឈឺចាប់ និង ស្តាយ​ក្រោយ ដែល​មិន​ស្តាប់​តាម​គ្រួសារ​។​   ​តាមរយៈ​ពាក្យសម្តី សរសេរ​បង្ហោះ​នៅលើ ទំព័រ​ហ្វេ​សប៊ុក​របស់​នាង ហាក់​ស្តែង​ឲ្យឃើញថា តារា​ស្រី​ដើមទ្រូង​មូល​ក្បំ កញ្ញា សាន សុ​ម៉ាលី កំពុងតែជួបប្រទះ នូវ​វិបត្តិ​សេ្ន​ហា​បែកបាក់​ឈឺចាប់​បំផុត​។ ក្នុងនោះ​សារ​ថ្មី នាង​ទើប​សរសេរ បង្ហោះ​លើ​ហ្វេ​សប៊ុក បាន​លើកឡើង​ថា "​មនុស្ស​យើង ពេល​លំបាក​បានដឹងថា មាន​មនុស្ស​ប៉ុន្មាន​អ្នក នៅ​ជិត​យើង​ទៅ ?...​ទេ​ពេល​នេះ​ខ្ញុំ​សន្យារ ថា​ឈប់ គិត​អ្វី​ដែល​អត់​ប្រយោជន៍​ទៀតហើយ​..!" ។​   ​សារ​ដដែល​នេះ បាន​បន្តថា "​ខ្ញុំ​អា​ឡូ​វ​(​ឥឡូវ​)​នេះ ដូចជា​ធ្ងន់​ណាស់ ..​ពិបាកចិត្ត​ណាស់ សឹង​នឹង​ដួល​ទៅ មុខ​លេង​រួច តែ​ខ្ញុំ​នឹង​ស៊ូ ដើម្បី​គ្រួសារ​ខ្ញុំ ហើយ​ឥឡូវ​នឹង​(​ហ្នឹង​)​ចង់​និយាយ ថា​សុំ​ទោស ដែល​តែងតែ ឲ្យ​អ្នក ទាំងអស់គ្នា​ពិបាក​ដោយសា​ខ្ញុំ ឥឡូវ​ខ្ញុំ​អាណិត​ពួកគាត់​ណាស់ ពេល​ដឹង​ខ្ញុំ​លំបាក គាត់​តែងតែ​យល់ចិត្ត …​ខ្ញុំ​សុំ​ទោស ខ្ញុំ​ឈប់​ឲ្យ​អ្នក​លំបាក​ទៀត​ហើយ ។ សន្យារ​នឹង​កែប្រែ និង​ស៊ូ​ស៊ូ​ស៊ូ មិន​ឲ្យ​ដួល​ទេ ទោះ​ឥឡូវ​ខ្ញុំ ពិបាក​មិច​ក៏ដោយ ចាប់ពី​ថ្ងៃ​នេះ​គ្មាន​អ្នកណា សំខាន់​ជាង​គ្រួសារ​ខ្ញុំ​ទេ​..!"​។​  ​ជា​ការកត់សម្គាល់ កញ្ញា សាន សុ​ម៉ាលី ត្រូវបាន​គេ​ដឹង​ស្ទើរ​គ្រប់​ថា ជា​តារា​ស្រី​មួយរូប ដែល​មិន​សមប្រកប នឹង​រឿងរ៉ាវ​ជីវិត​គូ​ស្នេហា ព្រោះ​ជានិច្ចកាល​មនុស្ស ដែល​នាង​ស្រឡាញ់ តែងតែ​បញ្ចប់​ស្នេហ៍​ទៅវិញ ទាំង​ពាក់កណ្តាល​ទី ទើប​ជា​រឿង​យៗ គេ​តែង​បាន​ឃើញ​នាង បញ្ចេញ​ពាក្យពេចន៍ ឈឺចាប់ បង្ហោះ​នៅលើ​ទំព័រ​ហ្វេ​សប៊ុក ផ្ទាល់ខ្លួន​។ ម្យ៉ាង​ទៀត​ក៏​ត្រូវ បាន​មហាជន ដាក់​ងារ​ឲ្យ​នាង​ថា "​ជា​តារា​ស្រី​អភ័ព្វ​ស្នេហ៍​"៕​


ប្រ​ភ​ព​ពី​៖​ lookingtoday.com

ពេជ្រ សេរី​រ័ត្ន ផ្អែមល្ហែម​ជាមួយ ប្រុស​ប្លែក​មុខ​ក្នុង​ក្លឹប​រាត្រី​

Thursday 24th April 2014

អតីត​តារា​ស្រី ពេជ្រ សេរី​រ័ត្ន ត្រូវបាន​គេ​ចាត់ទុកថា ជា​តារា​មួយ​ដួង សម្បូរ​ទៅដោយ​រឿងអាស្រូវ​ស្នេហា ជាមួយ​អ្នក​នេះ​អ្នក​នោះ​មិន​ដាច់ ។ កាលពីពេល​កន្លង ទៅ​ថ្មីៗ នេះ ស្រាប់តែ​លេចឮ​ព័ត៌មាន​ថ្លីស​ន្លា​ង​មួយ ទៀតថា នាងរ​ក​បាន​ម្ចាស់​ចិត្ត​ថ្មី ដែល​អាច​ទំនុកបម្រុង​នាង​រស់នៅ ក្នុង​ជីវភាព​សុខ​ស្រួល មិនចាំបាច់​ខ្វល់ខ្វាយ​អ្វី​នោះ​ទេ ។ ជានិច្ចកាល​នាង​តែងតែ ឧស្សាហ៍ បណ្តើរគ្នា​ចូល​ក្លឹប​កម្សាន្ត និង​ខារ៉ាអូខេ ពេល​រាត្រី​ជាប្រចាំ​ថែមទៀត​ផង ។​

​បន្ទាប់​ពី ពេជ្រ សេរី​រ័ត្ន បាន​កាត់​ផ្តាច់ទំនាក់ទំនង ស្នេហា ជាមួយ​អតីត​អ្នកដឹកនាំ កម្មវិធី​ល្បីឈ្មោះ នៅ​ស្ថានីយ​ទូរទស្សន៍ បាយ័ន លោក គង់ វិសាល រួចមក យីអ៊ុន​របស់​នាង​ហាក់ដូចជា មិន​សូវ​ល្អ​សោះ ជាពិសេស​គឺ​រឿង​ស្នេហា គឺ​មាន​ព័ត៌មាន​លេចឮ ជាច្រើន​ទាក់ទង និង​ស្នេហា អាថ៌កំបាំង​របស់​នាង​។ តែ​ម្ចាស់​សា​ម៉ី​ខ្លួន​ហាក់ដូចជា មិន​អើពើ ខ្វល់ខ្វាយ និង​ព័ត៌មាន​ទាំងអស់នោះ ។​  ​ប៉ុន្តែ​អ្វី​ដែល​ធ្វើ​ឲ្យ​មជ្ឈមណ្ឌល អ្នកតាមដាន​សិល្បៈ មាន​ការចាប់អារម្មណ៍ ទៅលើ​រឿង​ស្នេហា របស់​អតីត​តារា​ស្រី​សាច់ សរ​ម៉ដ្ឋ​រលោង មាន​ដងខ្លួន​ស្រ​ឡូ​ន​ស្រស់ស្អាត នាង សេរី​រ័ត្ន នោះ គឺ​ក្រោយពី​នាង​បាន​រំលេច​រូបថត ជា​ច្រើន​សន្លឹក សម្ញែង​ភាពសិ្នទ្ធស្នាល ជាមួយ​បុរស​វ័យ ស្របាល​នាង មាន​រូប​សម្រស់​ស្រស់​សង្ហា នៅក្នុង​ខារ៉ាអូខេ ពេល​រាត្រី នៅក្នុង​ហាង​មួយកន្លែង ក្នុង​ទីក្រុង​ភ្នំពេញ ធ្វើឲ្យ​ទស្សនិកជន បាន​ឃើញ​រូប​នោះ បាន​លាន់មាត់​ថា “ បុរស​ដែល​នាង​កំពុង​តែ សម្ញែង​ភាព​ផ្អែម​ល្ហែម អង្គុយ​គៀកកើយ​គ្នា ទំនង​ជា​គូស្នេហ៍​ថ្មោងថ្មី​របស់​នាង ហើយ​មើលទៅ ” ។​   ​ក្រៅ​ពី​បញ្ហា​បេះដូង ពេជ្រ សេរី​រ័ត្ន ក្នុង​មួយ​រយៈពេល​ចុងក្រោយ​នេះ ក៏​បាន​សម្ញែង​ពី​ភាព ហ៊ឺហារ​ការនិយម​ចូលចិត្ត ដើរលេង ចូល​តាម​ក្លឹប​កម្សាន្ត និង​ខារ៉ាអូខេ​ជា​ញឹកញាប់ ខុសប្លែក ពី​ពេល​មុនៗ​។ ទាក់ទង​នឹង​ព័ត៌មាន​នេះ ត្រូវបាន មជ្ឈដ្ឋាន​ក្រៅ​សិល្បៈ​មួយចំនួន បាន​លើកឡើង​ថា នេះ​ជា​រឿង​ធម្មតា សម្រាប់​អ្នកសិល្បៈ ព្រោះ​ពួកគេ​និយម​ចូលចិត្ត ដើរ​លេង​កម្សាន្ត នៅ​ពេល​រាត្រី ជា​រឿង​ធម្មតា សម្រាប់ អ្នកសិល្បៈ​មិន​ថា​ប្រុស​ឬ​ស្រី​ទេ ។ នេះ​ក៏​មិនមែន​ជា​លើកដំបូង​ទេ ដែល​តារា​ស្រី សេរី​រ័ត្ន ចេញ​ដើរ​កម្សាន្ត​តាម​ក្លឹប នា​ពេល​រាត្រី​នោះ ៕​


ប្រ​ភ​ព​ពី​៖​ lookingtoday.com

ពេជ្រ សោភា លួច​ភ្ជាប់ពាក្យ​ស្ងាត់ តែ​ព្យាយាម​លាក់បាំង​ការពិត​

Wednesday 23rd April 2014

ពាក្យចាស់​តែង​ពោលថា "​ដំរី​ស្លាប់​មិន​អាច​យក​ចង្អែរ មក​បាំង​ជិត​នោះទេ​" ជាក់ស្ដែង​សម្រាប់​តារាចម្រៀង​ខ្លាច​ស្រមោល​ខ្លួនឯង នាង ពេជ្រ សោភា តែងតែ​ព្យាយាម​លាក់បាំង​ការពិត ពី​ជីវិត​ឯង​ជន​របស់​ខ្លួន​ខណៈដែល​នាង​ក្លាយជា តារា​ល្បីឈ្មោះ មកដល់​សព្វថ្ងៃនេះ ដោយសារ​តែ​មហាជន​ជា​អ្នកគាំទ្រ ប៉ុន្តែ​នាង​ហាក់​មិន​ចង់​ឲ្យ​មហាជន ដឹង​ឮ​ពី​រឿង​ក្នុង​ជីវិត​នាង​ឡើយ​។​

​ជា​រឿង​ដ៏​គួរឲ្យភ្ញាក់ផ្អើល សម្រាប់​តារាចម្រៀង​ស្រី​ដ៏​ល្បីល្បាញ ប្រចាំ​ផលិតកម្ម ហង្ស​មាស នាង ពេជ្រ សោភា គេ​នៅ​ចាំបាន​ថា កាលពី​អំឡុង​មុនពេល​បុណ្យចូលឆ្នាំ​ខ្មែរ នាង​បាន​ច្រាន​ចោល​រឿង ភ្ជាប់ពាក្យ ជាមួយ​អណិកជន​ខ្មែរ រស់​នៅ​អាមេរិក ។ ពេជ្រ សោភា បាន​បដិសេធ យ៉ាង​ដាច់អហង្កា​ថា នាង​ពុំ​បាន​ភ្ជាប់ពាក្យ ភ្ជាប់​ស្នេហ៍​អ្វី​ទេ ហើយ​ថែមទាំង​បាន​បោះ​ពាក្យសម្ដី​ឲ្យ អ្នក​ដែល​ពូកែ​និយាយ​រឿង​នាង ថា "​កុំ​ពូកែ​និយាយ​រឿង​គេ​ពេក គិតតែ​រឿង​ខ្លួនឯង​ទៅ យក​ពេលទំនេរ ធ្វើ​រឿង​ល្អ​ខ្លះ​ផង "​។​  ​នាង ពេជ្រ សោភា បាន​បន្ថែម​ដោយ​សម្ដី​ហាក់​ខឹងសម្បារ ពេល​សួរនាំ​រឿង​ភ្ជាប់ពាក្យ​ថា "​ខ្ញុំ​ពិតជា​ខ្វល់​ណាស់​ថា អ្នកណា​ជា​អ្នក ដែល​មាន​ពេលទំនេរ ចាំ​និយាយ​រឿង​មិន​ពិត​បែប​នេះ​។ ម្យ៉ាងទៀត បើសិន​ជា​ខ្ញុំ មាន​ពិធី​ភ្ជាប់ពាក្យ​មែន ខ្ញុំ​ក៏​មិន​ធ្វើ​ថ្ងៃ​១៣​នេះ​ទេ ព្រោះ​គេ​នាំគ្នា​ទៅ ដើរលេង​ចូល​ឆ្នាំ​ខ្មែរ​អស់​ហើយ​។ ឆ្លៀត​ពេល​នេះ​ខ្ញុំ ក៏​ចង់​បញ្ជាក់ថា​ខ្ញុំ នៅ​មិនទាន់មាន​ពេល ទៅ​គិត​រឿង​ស្នេហា ឬក៏​មាន​ម្ចាស់​ស្នេហ៍​អី​ទេ ព្រោះ​ថា​ពេល​នេះ ខ្ញុំ​កំពុងតែ​រវល់ ជាមួយ​ការងារ​សិល្បៈ និង​មើលថែ​គ្រួសារ "​។​  ​ជាមួយនឹង​សម្ដី បដិសេធ​មិន​ទទួលស្គាល់​ការពិត ពេជ្រ សោភា ក៏​បាន​ព្រលយ​សារ​ធ្ងន់ៗ​ទៀតថា នាង​ពិតជា​មាន​អារម្មណ៍​ហត់នឿយ នៅ​ពេល​ចេញ​មុខ បកស្រាយ​លើ​រឿង​មិន​ពិត​។ នាង​សង្ឃឹមថា អ្នក​ដែល​យក​រឿង នាង​ទៅ​និយាយ​នោះ គួរតែ​កែ​ទម្លាប់ ទៅ​និយាយ តែ​រឿង​ពិត​វា​ល្អ​ជាង បើសិន​ជា​ល្អ កុំ​ចេះ​ដឹង​រឿង​គេ តែម្តង​ទៅ​ក៏​បាន​ដែរ រឿង​របស់​នាង គឺ​នាង​ចេះ​លៃលក​ហើយ ។​  ​ជា​ការពិត​អ្វីៗ​ត្រូវបាន​លាតត្រដាង ពោល​គឺ​គ្មាន​ក្រដាស​ណា អាច​ខ្ចប់​ភ្លើង​ជិត​ឡើយ រូបភាព​ភ្ញាក់ផ្អើល​បង្ហាញ​ពី​កម្មវិធី​ភ្ជាប់ពាក្យ ភ្ជាប់​សម្ដី​មួយ បាន​បង្ហោះ​ពាសពេញ​បណ្ដាញ អ៊ី​ន​ធើ​ណែ​ត រួមមាន Instagram Facebook បាន​បង្ហាញ​ពី​កម្ម​វី​ធី​ភ្ជាប់ពាក្យ យ៉ាង​ប្រាកដ និង​ដំណើរ​កំសាន្ត ដ៏​ផ្អេមល្ហែម និង​គូ​ដណ្ដឹង​ស្របច្បាប់ នៅតាម​បណ្ដា​ឆ្នេរសមុទ្រ​ខ្មែរ ដ៏​ស្រស់ស្អាត ដែល​មើលទៅ​ស្និទ្ធស្នាល តែ​មាន​លក្ខណៈ​ថ្លៃថ្នូរ មិនមែន​បែកធ្លាយ​រូប​ត្រេកត្រអាល ក្នុងន័យ​ផ្សេង​នោះទេ ។​  ​អ្វី​ដែល​គួរឲ្យ​ចាប់​អារម្មណ៍បំផុត តារាចម្រៀង​ស្រី ពេជ្រ សោភា ហាក់​ព្រួយបារម្ភ ចំពោះ​ព័ត័មាន នៃ​ការភ្ជាប់​ពាក្យ​របស់​នាង ព្រោះ​កាលពី​ពេល​ភ្ជាប់ពាក្យ ជាមួយ លោក ប៊ុន ច​ន រួចមក ពេជ្រ សោភា ក៏​ចាប់ផ្ដើម​ធ្លាក់​កូដ ហៅ​មិន​ឮ ពោល​គឺ​ប្រជាប្រិយភាព​កាន់តែ​ចុះ ដោយ​មិនបាច់​ច្រាន និង​ហាក់​វា​បាន​ក្លាយ​ជា​មេរៀន មួយ​សម្រាប់​នាង នៅពេល​មាន អ្នក​ស្រឡាញ់​ក្រោយៗ​។​  ​តាមរយៈ​រូបថត​ខាងលើនេះ បាន​បញ្ជាក់​យ៉ាង​ច្បាស់​ថា ពេជ្រ សោភា ភ្ជាប់ពាក្យ​រួចរាល់​ហើយ តែ​នាង​ព្យាយាម​លាក់បាំង ពី​ក្រសែភ្នែក​របស់​មហាជន ខណៈ​គូ​ដណ្ដឹង​របស់​នាង ជា​អាណិកជន​ខ្មែរ នៅ​អាមេរិក វ័យចាស់​ជាង​នាង ។ មហាជន​ដែល​បានដឹង​រឿង​នេះ ជា​ពិសេស​អ្នក​ស្និទ្ធស្នាល ជាមួយ ពេជ្រ សោភា បាន​លើកឡើង​ថា នាង​មិនគួរណា ជា​តារា​ចម្រៀង​ល្បី ខ្លាច​ការពិត​នោះ​ទេ ព្រោះ​យូរ ឬ​ឆាប់​គង់​តែមាន​អ្នកដឹង​រឿងនេះ​ដដែល ហើយ​មិនគួរណា បោះពាក្យបោះសម្ដី​ថ្លោស ដាក់​មហាជន​ជា​អ្នកគាំទ្រ​ដែរ ព្រោះ​ពាក្យ​ទាំងនេះ ហាក់​មិន​សម​ឈ្មោះ ជា​តារា​ល្បី​នោះឡើយ ៕​


ប្រ​ភ​ព​ពី​៖​ lookingtoday.com

ស្ងាត់ៗ តារា​ប្រុស​ថៃ​វ័យ ៣៣​ឆ្នាំ ដឹក​ដៃ​នាង Nat Myria វ័យ ៣៩​ឆ្នាំ ចូល​រោងការ​បាត់​!

Wednesday 23rd April 2014

កាលពី​ថ្ងៃ​ទី​១៤ ខែ មេសា ឆ្នាំ ២០១៤ ដែល​ទើបតែ​កន្លងទៅនេះ គូស្នេហ៍​តារា​ថៃ​មួយគូ ដែល​មាន​កេរ្ដិ៍ឈ្មោះ គួរសម ក្នុង​ពិភព​សិល្បះ បាន​ធ្វើ​ពិធី​រៀបការ ជា​លក្ខណៈ​ឯកជន​មួយ​។​

​យ៉ាងណាមិញ តារា​ប្រុស Aum Atichart វ័យ ៣៣​ឆ្នាំ បាន​ដឹក​ដៃ កូនក្រមុំ ដែល​ជា​តារា​ស្រី​សម្ដែង និង​ជា​តារាចម្រៀង​ផង​នោះ គឺ​នាង Nat Myria អាយុ ៣៩​ឆ្នាំ ក្រាប​ផ្ទឹម នៅ​ចំពោះមុខ​ឪពុក​ម្ដាយ​ទាំងសងខាង​។ ចំពោះ​ការ​ប្រារព្ធ​ពិធី​នេះ គឺ​មាន​លក្ខណៈ​ជា​ឯកជន ដោយ​មាន​ការចូលរួម ពី​មិត្ដភិក្ដ​ជិតដិត និង​ក្រុមគ្រួសារ​តែប៉ុណ្ណោះ​។ នៅ​ពេល​ព្រឹក ក្នុង​ថ្ងៃ​នោះ​ផងដែរ អ្នក​ទាំង​ពីរ បាន​ធ្វើ​ការដោះដូរ​ចិញ្ចៀន អាពាហ៍ពិពាហ៍ ជាមួយនឹង ការទទួល​ពរជ័យ ពី​ឪពុក​ម្ដាយ​ទាំងសងខាង ខណៈពេលដែល ពេល​ល្ងាច​ពួកគេ​មាន​រៀបចំ​ជា​ពិធី ជប់លៀង​ខ្នាតតូច​។   ​នៅក្នុង​ពិធី​នេះ ក៏​មាន​តារា​ស្រី​ថៃ​ជើងចាស់​មួយរូប គឺ​នាង Ann Thongprasom វ័យ ៣៧​ឆ្នាំ ក៏​ចូលរួម​ផងដែរ ដែល​នាង​គឺជា​មិត្ដ​ជិតស្និតរប​ស់​អ្នក​ទាំង​ពីរ​។​


ប្រ​ភ​ព​ពី​៖​ khmerload.com

បើ Aum មានកូន តើ​នឹង​មាន​មុខ មាត់​បែបនេះ​មែន​ទេ​?

Wednesday 23rd April 2014

ប្រហែល​ជា​អ្នក ធ្លាប់​បាន​ស្គាល់ ពី​តារា​សម្តែង​ស្រី​ថៃ ដ៏​ល្បី គឺ​នាង Aum Patcharapa វ័យ ៣៥​ឆ្នាំ ហើយ ដែល​នាង​ជា​តារាភាពយន្ត​ជើង​ចាស់​មួយ​រូប និង​មាន​ទេពកោសល្យ យ៉ាង​ប៉ិនប្រសព្វ ក្នុង​ការសម្តែង​។​

​ក្នុងនោះដែរ នាង Aum ក៏​មាន​ទំនាក់ទំនង​ស្នេហា ជាមួយ​បុរស​ជំនួញ​ម្នាក់ គឺ​លោក Amp Ongkosit ដែល​ពួកគេ​ទាំង​ពីរ​នាក់​នេះ​បាន ស្រលាញ់​គ្នា​ជាង​២​ឆ្នាំ​ទៅ​ហើយ​។ គួរ​រំលឹក​ផងដែរ​ថា ភាគច្រើន​នាង​តែងតែ ថតរូប​ជាមួយ​ក្មេងប្រុស​ម្នាក់  ដែល​ធ្វើអោយ​គ្រប់គ្នា មានការ ភាន់​ច្រឡំ គិតថា​ជា​កូន​របស់​នាង ប៉ុន្តែ​តាម​ការពិត​គេ ជា​ក្មួយ​របស់​មិត្ត​ប្រុស​របស់​នាង ដែល​ក្មេង​ម្នាក់​នោះ ឈ្មោះ Bhumijai Ongkosit​។  ​យ៉ាងណាមិញ មាន​មហាជន​ជាច្រើន នាំគ្នា​និយាយថា ប្រសិនជា Aum រៀបការ​ជាមួយ​សង្សារ​ថ្មី​នេះ ហើយ​មានកូន​នោះ គឺ​ប្រហែល​មាន​មុខមាត់​ស្រដៀង នឹង​ក្មេង​ប្រុស Bhumijai នេះ​ជាក់​ជាមិនខាន​។​


ប្រ​ភ​ព​ពី​៖​ khmerload.com

ស្រី​ស្រស់ Ruby Lin ចូលរួម​កម្មវិធី​ផ្សព្វផ្សាយ​រឿង​ភាគ​ថ្មី​របស់​ខ្លួន​

Wednesday 23rd April 2014

​តារា​សម្ដែង​ស្រី​ដ៏​ល្បីល្បាញ​របស់​តៃវ៉ាន់ Ruby Lin បាន​ចូលរួម​សន្និសីទ​ផ្សព្វផ្សាយ​រឿង​ភាគ​ថ្មី​របស់​ខ្លួន “The Way We Were” កាលពី​ថ្ងៃ​ទី​២១ ខែ​មេសា នៅ​ទីក្រុង​តៃប៉ិ ជាមួយ​តួ​សម្ដែង​ផ្សេងៗ​ទៀត​ក្នុង​រឿង​ភាគ​ថ្មី​នេះ​។​

“The Way We Were” គឺជា​រឿង​ភាគ​ថ្មី​របស់​ទូរទស្សន៍ TVBS ដែលមាន Ruby Lin ជា​តួឯក និង​ជា​ផលិតករ​ផ្ទាល់​តែម្ដង​។ សាច់​រឿង​នេះ គឺ​ចាប់ផ្ដើម​ពី​ឆ្នាំ​១៩៩៨ ដល់​ឆ្នាំ​២០១៤​។​   ​ចូលរួម​ក្នុង​កម្មវិធី​នេះ Ruby Lin បាន​ប្រាប់ថា រឿង​ភាគ​ថ្មី​នេះ​នឹង​បង្ហាញ​ពី​ការចាកចេញ​, ការសោកស្ដាយ និង​ការបាត់បង់​។ ដូច្នេះ រឿង​នេះ​ចង់​ឲ្យ​អ្នកគ្រប់គ្នា​ព្យាយាម​រីករាយ​គ្រប់ពេលវេលា បើ​ទោះ​ជា​ចុងក្រោយ​យើង​នឹង​ត្រូវ​បាត់បង់ ឬក៏​ព្រាត់ប្រាស​ក៏ដោយ គឺ​កុំឲ្យ​វា​ក្លាយជា​រឿង​ស្ដាយក្រោយ​។​  ​ក្នុង​រឿង​ថ្មី​នេះ តារា​ស្រី​ក្នុង​រឿង “​ព្រះ​នាង​យេ​យេ​” និង​”​សាម​កុក​” រូបនេះ នឹង​សម្ដែង​ជា​តួ Tang Jia-Ni ដែល​ជា​ក្មេងស្រី​មាន​ចរិត​ឆេវឆាវ និង​តែងតែ​ធ្វើ​អ្វីមួយ​មិន​គិតមុខគិតក្រោយ​។ ប៉ុន្តែ​យូរៗ​ទៅ បន្ទាប់​ពី​ឆ្លងកាត់​រឿងរ៉ាវ​ជាច្រើន ចរិត​នាង​ក៏​ចាប់ផ្ដើម​កែប្រែ​។ នាង​ហ៊ាន​ធ្វើ​អ្វី​គ្រប់យ៉ាង​ដើម្បី​ស្នេហា​របស់​នាង​។​   ​ចំណែក​តួឯក​ប្រុស​វិញ​នឹង​ត្រូវ​សម្ដែង​ដោយ Leroy Young​។ តួអង្គ​ប្រុស​ក្នុង​រឿង​នេះ​មានឈ្មោះ​ថា Fang Wei-De ដែល​ចរិត​ខាងក្រៅ​ឆេវឆាវ​មិន​ខុស​ពី Jia-Ni ប៉ុន្មាន​ទេ ប៉ុន្តែ​ការពិត​នៅ​ខាងក្នុង គេ​គឺ​ជា​មនុស្ស​ម្នាក់​ដែល​មាន​មនោសញ្ចេតនា​។ ដោយសារ​ចរិត​គេ​បែប​នេះ ធ្វើឲ្យ​គេ​បាត់បង់​អ្វី​ជាច្រើន​នៅ​ជុំវិញខ្លួន ហើយ​ចុងក្រោយ​បាន​ត្រឹមតែ​សោកស្ដាយ​។​  ​តួ​សំខាន់ៗ​ផ្សេងៗ​ទៀត​ក្នុង​រឿងនេះ មានដូចជា Tiffany Hsu, Melvin Sia និង Jason Tsou​។​    “The Way We Were” មិន​ទាន់​ប្រកាស​ថ្ងៃ​បញ្ចាំង​នៅឡើយ​ទេ ដោយ​ភាពយន្ត​ភាគ​នេះ​កំពុង​ស្ថិត​ក្នុង​ដំណើរការ​ផលិត​នៅ​ឡើយ​។ នេះ គឺជា​រឿង​ភាគ​ទី​៣ ហើយ​ដែល Ruby Lin បាន​ផលិត និង​សម្ដែង​ក្នុង​ឆ្នាំ​២០១៤​នេះ បន្ទាប់​ពី​រឿង “Young Sherlock” និង​រឿង “Singing All Along” ៕​

 

 


ប្រ​ភ​ព​ពី​៖​ news.sabay.com.kh

បទ​ចម្រៀង​"Come Back Home" របស់ 2NE1 មាន​អ្នកទស្សនា​ជាង ១០​លាន​នាក់​ហើយ​!

Wednesday 23rd April 2014

តាម​ប្រភព​ព័ត៌មាន កម្សាន្ត​បរទេស នៅ​ថ្ងៃ​ទី ២៣ ខែ​មេសា ឆ្នាំ ២០១៤​នេះ បាន​ចុះផ្សាយ​ថា បទ​ចម្រៀង​"Come Back Home" របស់​ក្រុម 2NE1 អស់​រយៈពេល មួយ​ខែ​កន្លះ​ទទួលបាន ការគាំទ្រ​អ្នក​ចូល​ទស្សនា នៅ​លើ​ប្រព័ន្ធ YouTube ជាង​១០​លាន​នាក់​។​

​បើ​តាម​ការ​ចាក់ផ្សាយ​តាម YouTube ជា​លើកដំបូង នៅក្នុង​រយៈពេល ២ ឬ​៣​ម៉ោង មាន​អ្នកទស្សនា​ជាង ២-៣ ម៉ឺន​នាក់​ទៅហើយ បន្ទាប់ពី​បាន រយៈពេល ៥១ ថ្ងៃ វីដេអូ​បទ​ចម្រៀង "Come Back Home" "​ត្រលប់​មក​ផ្ទះ​វិញ​" ក្រុម 2NE1 បាន​កើន​លើស​ឡើង ជា​ផ្លូវការ​ចំនួន ១០ លាន​នាក់​និង មាន​អ្នក Like ២០០.០០០ នាក់​។ បទ​ចម្រៀង " Come Back Home " គឺជា​ផ្នែក​មួយ​ដ៏​សំខាន់ នៅក្នុង​អាល់​ប៊ុម​" CRUSH "​របស់​ក្រុម 2NE1 ។​  ​គំនិត​ជាមួយនឹង​ចំណង ជើង​តែ​មួយគត់ និង​អត្ថន័យ សំឡេង​រួមបញ្ចូល​គ្នា​នឹង បទ​ចម្រៀង​ចម្លែក​មួយ​នេះ ទទួល​មតិ​គាំទ្រ អ្នកគាំទ្រ ជាច្រើន​Kpop​នៅក្នុង និង​ក្រៅប្រទេស​។ បទ​ចម្រៀង " Come Back Home " គឺជា​ផ្នែក​មួយ នៃ​ការទទួល​ពានរង្វាន់​បំផុត​ល្អ នៃ​ក្រុម 2NE1 ដែល​មិន​ធ្លាប់មាន​៕​

 


ប្រ​ភ​ព​ពី​៖​ lookingtoday.com

​នាង Ha Ji Won ផ្តល់​ថវិកា ១​ម៉ឺន​ដុល្លារ ដល់​ជនរងគ្រោះ​លិច​នាវា

Wednesday 23rd April 2014

តាម​ប្រភព​ព័ត៌មាន កម្សាន្ត​បរទេស នៅ​ថ្ងៃ​ទី ២២ ខែ​មេសា ឆ្នាំ ២០១៤​នេះ បាន​ចុះផ្សាយ​ថា នាង Ha Ji Won តារា​សម្តែង​ក្នុង​រឿង "Sex is no small thing" របស់​កូរ៉េ​ខាងត្បូង បាន​បរិច្ចាគ​ទឹកប្រាក់​ចំនួន ១​ម៉ឺន​ដុល្លារ ចែករំលែក​ជាមួយ សាច់​ញាត ក្រុមគ្រួសារ​នៅ​ក្នុង​គ្រោះថ្នាក់ លិច​នាវា ដែល​ជា​សោកនាដកម្ម​មួយ កាលពី​ថ្ងៃ​១៦ ខែ​មេសា​កន្លង​ទៅ នៅក្នុង​ប្រទេស​កូរ៉េខាងត្បូង​។​

​តាម​ព័ត៌មាន ពី​ការ​លិច​នាវា Sewol ក្នុង​នោះ​សិស្ស​វិទ្យាល័យ​ជាច្រើន សុទ្ធសឹង​ជា​ទស្សនិកជន របស់​នាង Ha Ji Won​។ ចាប់តាំងពី​ការ​នាង ចូលរួម​សម្តែង ល្ខោន Empress Ki នាង​មិន​អាច​ចាក ចេញពី​ស្ទូឌីយោ នៃ​ការហ្វឹកហាត់​ឡើយ ហើយ​ពេល​ចេញ​ស្ទូឌីយោ នាង​បានឲ្យ អ្នក​ចាត់ការ​ទូទៅ យក​ថវិកា​១​ម៉ឺន​ដុល្លារ ជួយ​ដល់​ក្រុមគ្រួសារ​ជនរងគ្រោះ​។​   នាង Ha Ji Won គឺជា​សិល្បការិនី​ដ៏​ល្បី​ដែល​យកចិត្តទុកដាក់ និង​ខ្វល់ខ្វាយ អំពី​កុមារ​ក្រីក្រ នៅលើ​ពិភពលោក​។ នាង​ធ្លាប់​ទទួលបាន​រង្វាន់​ម្តង​ហើយ និង​ពេល​ថ្មីៗ នេះ​នាង​ផ្តល់ អាហារូបករណ៍ ដល់​សិស្ស​ក្រីក្រ​លំបាក ជាច្រើន​នាក់​ទៀត​។ ក្រៅពី​នេះ​នាង​ជា តារា​សម្ដែង​មាន សកម្មភាព​រៃអង្គាស ប្រាក់​ជាច្រើន ដើម្បី​ជួយ និង​គាំទ្រ​កុមារ​ពិការ​ភ្នែក​។​   ​នាង Ha Ji Won បាន​និយាយថា ជនរងគ្រោះ​ជាច្រើន ជា​និស្សិត​ដែល បាន​លិច​ក្នុង​នាវា Sewol បាន​ធ្វើឲ្យ​អារម្មណ៍ នាង​ឈឺចាប់​យ៉ាងខ្លាំង ព្រោះ​ជា​សោកនាដកម្ម ដ៏​ធំ​មួយ សម្រាប់​ជីវិត​នាង ក៏ដូចជា​ប្រជាជន កូរ៉េ​ទាំងមូល​៕


ប្រ​ភ​ព​ពី​៖​ lookingtoday.com

តារា​ម៉ូ​ដែល​ដ៏​ល្បី នាង Miranda Kerr បង្ហាញ​រូប​ស្រាត​ពាក់កណ្តាល​ខ្លួន លើ​ឆ្នេរសមុទ្រ​

Wednesday 23rd April 2014

តាម​ប្រភព​ព័ត៌មាន​បរទេស​នៅ​ថ្ងៃ​ពុធ ទី ២៣ ខែ​មេសា ឆ្នាំ ២០១៤​នេះ បាន​ប្រាប់ឲ្យដឹង​ថា នាង Miranda Kerr ជា​តារា​ម៉ូ​ដែល​អូស្ត្រាលី​បង្ហាញ​រូប​ស្រាត​ពាក់កណ្តាល​ខ្លួន នៅ​ឆ្នេរសមុទ្រ​ទស្សនា​វ​ដ្តី Elle អេ​ស្ប៉ាញ ប្រចាំ​ខែ​ឧសភា​ខាងមុខ​នេះ​។​

​តារា​ម៉ូ​ដែល​វ័យ​៣១ ឆ្នាំ អ្នក​មេម៉ាយ​កូន​១​រូបនេះ បានបង្ហាញ​រាងកាយ​ដ៏​ស្រស់ស្អាត ជាមួយ​រូបភាព​ស្រាត ពាក់កណ្តាល​ខ្លួន និង​ឈុត​សិច​ស៊ី នៅលើ​ទស្សនា​វ​ដ្តី Elle អេ​ស្ប៉ាញ លើ​ឆ្នេរសមុទ្រ​ដែល​ធ្វើ ឲ្យ​ទស្សនិកជន​ជប៉ុន​មាន ការភ្ញាក់ផ្អើល​យ៉ាងខ្លាំង បន្ទាប់ពី​នាង​បាន​ត្រឡប់ មក​ពី​ការថត​ផ្សាយ​ពាណិជ្ជកម្ម ជាច្រើន​ក្នុង​ប្រទេស​ជប៉ុន​៕​


ប្រ​ភ​ព​ពី​៖​ lookingtoday.com

នាង Lee Yo Won តារា​សម្តែង កូរ៉េខាងត្បូង​

Wednesday 23rd April 2014

​កូរ៉ខាងត្បូង ៈ Lee Yo Won បាន​កើត​នៅ​ថ្ងៃទី​៩ ខែ​មេសា ឆ្នាំ​១៩៨០ ក្នុង​ទីក្រុង​សេ​អ៊ូ​ល ប្រទេស​កូរ៉េខាងត្បូង ។ នាង​គឺជា​តា​សម្តែង​ដ៏​ល្បីឈ្មោះ និង​មាន​សម្រស់​ស្រស់​ស្អាត​របស់ កូរ៉ខាងត្បូង​។ នាង​មាន​កម្ពស់ ១.៧០​ម និង​ទម្ងន់ ៤៨ គ​.​ក្រ ។ នាង​បាន​រៀបការ​រួចហើយ ព្រមទាំង​មានកូន​ទៀ​ផង ។​


ប្រ​ភ​ព​ពី​៖​ news.happycambodia.com





Copyright © 2008 Happy Cambodia a MANICH Services.
Google+
x

Welcome to Happy Cambodia

Please LIKE and Plus +1 to follow latest news
សូម​ជួយ​ LIKE និង +1 ដើម្បី​ផ្ដល​កំលាំង​ចិត្ត