បុរសម្នាក់ដើរឆ្លងផ្លូវ មិនប្រយ័ត្ន ត្រូវម៉ូតូម៉ាក ស្គូពី បុកពេញទំហឹង បណ្ដាលឱ្យរងរបួលធ្ងន់ ត្រូវគេបញ្ជូនទៅកាន់មន្ទីរពេទ្យ។ ហេតុការណ៍នេះ កើតឡើង នៅវេលាម៉ោង១០ និង៤០នាទីព្រឹកថ្ងៃទី២៤ ឧសភា ២០១៣ នៅតាមបណ្ដោយផ្លូវសហព័ន្ធរុស្ស៊ី ស្ថិតក្នុងសង្កាត់ទឹកថ្លា ខណ្ឌសែនសុខ។
ប្រភពព័ត៌មាន បានឱ្យដឹងថា បុរសរងគ្រោះ បានដើរឆ្លងផ្លូវ ពីលិចទៅកើត ចំណែកម៉ូតូស្គូពី បើកតាមបណ្ដោយផ្លូវ សហព័ន្ធរុស្ស៊ីពីជើងទៅ ត្បូង ខណៈមកដល់ ចំណុចកើតហេតុ ក៏ជ្រុលទៅបុកបុរសដើរឆ្លងផ្លូវនោះពេញ ទំហឹងបណ្ដោលឱ្យរងរបួសធ្ងន់តែម្ដង៕
បុគ្គលិកមួយរូប ដែលបម្រើ ការងារផ្នែកទីផ្សារ នៅក្រុមហ៊ុនសេង ហុង ហេង ត្រូវបានកម្លាំងនគរបាល ខណ្ឌសែន សុខ ឃាត់ខ្លួនកាលពីរសៀលថ្ងៃទី២៣ ខែ ឧសភា ឆ្នាំ ២០១៣ ក្រោយពីជនសង្ស័យ រូបនេះ ត្រូវបានប្រធានក្រុមហ៊ុន ដាក់ពាក្យ បណ្ដឹង ទៅសមត្ថកិច្ចដោយចោទប្រកាន់ ថា បានលួចលុយ របស់ក្រុមហ៊ុនជិត ១៤ម៉ឺន ដុល្លារ ពេលកំពុងបម្រើការងារនោះ ។
ជនសង្ស័យរូបនេះឈ្មោះ សួន វីរៈ អាយុ ២២ឆ្នាំ បានប្រមូលលុយពី អតិថិជនរបស់ក្រុមហ៊ុន ជាង ១៣ម៉ឺន ដុល្លារ ហើយរត់គេចខ្លួនតាំងពីថ្ងៃទី១៩ ខែ ឧសភា ឆ្នាំ ២០១៣ កន្លងទៅ ។ ក្រោយពី លួចលុយក្រុមហ៊ុនរួចហើយ តំណាងក្រុម ហ៊ុនលោក នុត សេរី អាយុ ២២ឆ្នាំ ដែល មានទីលំនៅក្នុងសង្កាត់ជ័យជំនះ ខណ្ឌដូន ពេញ បានដាក់ពាក្យបណ្ដឹងទៅសមត្ថកិច្ច ខណ្ឌសែនសុខ ហើយក្រោយពីធ្វើការស្រាវ ជ្រាវ និងតាមដានជនសង្ស័យរូបនេះត្រូវ បានចាប់ខ្លួនកាលពីរសៀល ថ្ងៃទី២៣ ខែ ឧសភា ។ ទាក់ទិនករណីនេះ មជ្ឈមណ្ឌលព័ត៌មាន ដើមអម្ពិល មិនទាន់អាចសុំការអត្ថាធិប្បាយ បន្ថែម ពីអធិការនគរបាល ខណ្ឌសែនសុខ លោក ម៉ក់ ហុង នៅឡើយទេ នារសៀលថ្ងៃទី ២៤ ខែឧសភា ឆ្នាំ ២០១៣ នេះ ដោយទូរស័ព្ទ របស់លោកគ្មានអ្នកទទួល ។ គួរបញ្ជាក់ថា ក្រុមហ៊ុនសេង ហុងហេងមានទី តាំងស្ថិតនៅក្នុងភូមិ បាយ៉ាប ក្រុមទី៦ សង្កាត់ភ្នំពេញថ្មី ខណ្ឌសែនសុខ ៕
យោងតាមការស្រាវជ្រាវពីវេជ្ជបណ្ឌិត លីដអូសាហ្វ នៅសាកលវិទ្យាល័យ អ៊ីតាលី បានប្រាប់ឱ្យដឹងថា អ្នកដែលមានអាការៈឈឺក្បាល ជាពិសេសអ្នកដែលងើបពីគេងធីងធោង មិនចាំបាច់ទៅផ្សំថ្នាំមកញ៉ាំទេ គ្រាន់តែពិសារផ្លែឈើណាដែលមានរសជាតិជូរក៏អាចឱ្យអាការៈរបស់អ្នកបានធូរស្រាល នេះជាឱសថធម្មជាតិដែលអាចជួយរូបអ្នកបាន បើអាចជៀសវាងការញ៉ាំថ្នាំបានគួរតែជៀសវាងទៅ ព្រោះថ្នាំបំបាត់អាការៈឈឺក្បាលវាជាថ្នាំសរសៃ បើអ្នកញ៉ាំវាជាញឹកញាប់អាចប៉ះពាល់ដល់ក្រពះទៀតផង គួរងាកមកញ៉ាំផ្លែឈើវិញវាជួយដល់សុខភាពអ្នក៕
ក្មេងស្រីគួរអោយអាណិតម្នាក់ ត្រូវមិត្តរួមបន្ទប់ ចំនួន បីនាក់ វាយដំ យ៉ាងចាស់ដៃ បន្ទាប់ពីនាងបដិសេធមិនព្រមចូលដៃ ឈ្លោះប្រកែក ប្រឆាំង ជាមួយសិស្សប្រុស។
ក្មេងស្រីរងគ្រោះ ឈ្មោះ Lan Lan បាននិយាយថា មិត្តរូមបន្ទប់របស់នាងទាំងបីនាក់ នោះ បានបង្កជំលោះជាមួយសិស្សប្រុស ដោយសារខាងសិស្សប្រុស យកកន្លែងអង្គុយនៅ កន្លែងញុំាចំណីក្នុងសាលា ដែលស្ថិតនៅតំបន់ Changde ខេត្ត Hunan ប្រទេសចិន។ ក្មេងស្រីរងគ្រោះ និយាយបន្តថា បន្ទាប់ពីនាង បដិសេធមិនចូលដៃជាមួយ នៅយប់ប្រហែលម៉ោង៩ នាងក៏ ត្រូវមិត្តរួមបន្ទប់ វាយយ៉ាងចាស់ដៃតែម្តង។ ក្មេងស្រី ឈ្មោះ Lan Lan បញ្ជាក់ថា នាងចាប់ផ្តើមក្អួត ឈឺក្បាល និង ឈឺពោះ ក្រោយមក នាងបានទៅជួបជាមួយគ្រូពេទ្យប្រចាំសាលា ហើយ ថ្ងៃបន្ទាប់នាង ត្រូវបានគ្រូពេទ្យ បញ្ចូនទៅមន្ទីពេទ្យ។
ការតុបតែងមុខពិត ជាមានសារៈសំខាន់សំរាយ៉ាងណាមិញ យោងតាមរយៈ ប្រព័ន្ធ Youtube បានឲ្យដឹងថាមាន ក្មេងស្រីវ័យជំទង់ម្នាក់ ដែលមានអាយុ ទើបតែ ១៥ឆ្នាំតែប៉ុណ្ណោះ ប៉ុន្តែមានភាពប៉ិនប្រសប់ក្នុង ការតុបតែងមុខ យ៉ាងស្រស់ស្អាត។
/ដោយក្មេងស្រី ម្នាកនេះបានបង្ហាញ នូវការផាត់ដូចជា Barbie ជប៉ុនដែលមើលទៅ ពិតជាគួរឲ្យស្រឡាញ់ ថែមទៀតផង។ អ្វីដែលពិសេស គឺក្មេងស្រីម្នាក់ នេះពិតជាមាន សមត្ថភាពផាត់ មុខដូចជាមនុស្ស ស្រីដែល ធំពេញវ័យផងដែរ។ ប់ មនុស្សស្រីណាស់ មិនថាក្មេងមិនថាចាស់ឡើយ។ ជាពិសេសគឺក្មេងស្រីដែលមានវ័យ ជំទង់ផងដែរ។
ព្រះសង្ឃ២៥០អង្គ និងពុទ្ធបរិស័ទជាង២០០នាក់ដង្ហែក្បួនប្រារព្ធវិសាខបូជារំលឹកកាលព្រះប្រសូត្រ ព្រះពុទ្ធត្រាស់ដឹង និងព្រះចូលព្រះនិព្វាន នៅសួនដើមពោធិព្រឹក្ស សួនតាឌី ភូមិរោងបន្លែ សង្កាត់ស្វាយរៀង ក្រុងស្វាយរៀង កាលពីវេលាម៉ោង៤រសៀល ថ្ងៃទី២៤ ឧសភា ២០១៣ ។ នៅវេលាម៉ោង៥ល្ងាច លោកជៀង អំ អភិបាលខេត្តស្វាយរៀង អញ្ជើញជាអធិបតីក្នុងពិធីចំរើនព្រះបរិត្ត ហើយនៅពេលយប់មាននិមន្តព្រះសង្ឃទេសនា លុះព្រឹកឡើងម៉ោង៨ និង៣០នាទីព្រឹករាប់បាត្រប្រគេនព្រះសង្ឃ២៥០អង្គ នៅសួនដើមពោធិព្រឹក្ស ក្រុងស្វាយរៀង ៕
នុងរយៈពេល យ៉ាងយូរ ១ខែទៀត ពោលគឺចុងខែមិថុនា ឆ្នាំ២០១៣ ខាងមុខនេះ រាជធានីភ្នំពេញ នឹងមានអគ្គិសនី ផ្គត់ផ្គង់គ្រប់គ្រាន់ ដើម្បីបង្ក លក្ខណៈកាន់តែ ងាយស្រួល ចំពោះអ្នករស់នៅ ក្នុងរាជធានីភ្នំពេញ ក៏ដូចជាអ្នកប្រកបមុខរបរ រកស៊ីផងដែរ។
អគ្គនាយកអគ្គិសនីកម្ពុជា លោក កែវ រតនៈ បានធ្វើការអះអាងបែបនេះ នៅក្នុងសន្និសីទ ក្រោយកិច្ចប្រជុំ ថ្នាក់ដឹកនាំអគ្គិសនី នៃប្រទេសអាស៊ាន ដែលមានការ ចូលរួមពីប្រទេស ដែលជាសមាជិកអាស៊ាន លេខាធិការដ្ឋានអាស៊ាន និងមជ្ឈមណ្ឌលថាមពលអាស៊ាន នៅរសៀលថ្ងៃទី២៣ ខែឧសភា ឆ្នាំ២០១៣ នាសណ្ឋាគារ ណាហ្គាវើល រាជធានីភ្នំពេញ។ លោក កែវ រតនៈ បានបន្តថា «និយាយដោយឡែក នៅក្នុងឆ្នាំ២០១៣នេះ យើងពិបាកប្រហែលជា ១ខែទៀតសោះ សំរាប់ប្រព័ន្ធ អគ្គិសនី នៅក្នុង ទីក្រុងភ្នំពេញ ដោយប្រព័ន្ធអគ្គិសនី នៅក្នុងទីក្រុងភ្នំពេញ ត្រូវគ្របដណ្តប់ លើប្រព័ន្ធភ្នំពេញខ្លួនឯងផង ខេត្តកំពង់ស្ពឺ ខេត្តកណ្តាល ហើយនិង ជាយៗក្រុង។ ប្រព័ន្ធនេះគឺថា ១ខែទៀតយ៉ាងយូរ នឹងលែងជួបបញ្ហា នៅពេលដែល៥០មេហ្គាវ៉ាត់ ធ្យូងថ្មរបស់យើង ចេញមកពីខេត្តព្រះសីហនុ ដែលត្រូវចេញ នៅក្នុងប៉ុន្មានអាទិត្យ ខាងមុខនេះ»។ ទាំងអស់នេះហើយ ជាសមិទ្ធផល ដែលកើតឡើង ពីការខិតខំប្រឹងប្រែង របស់រាជរដ្ឋាភិបាលកម្ពុជា ក្រោមការដឹកនាំ ដោយសម្តេចតេជោ ហ៊ុន សែន នាយករដ្ឋមន្រ្តី នៃប្រទេស កម្ពុជា៕
ស្រ្តីម្នាក់ នៅទីក្រុង Charlotte រដ្ឋ ញ៊ូការ៉ូលីណា សហរដ្ឋអាមេរិក បានប្តឹងប៉ូលីស អោយចាប់ខ្លួន កូនប្រុសបង្កើតរបស់ខ្លួន ក្រោយពីកូនប្រុសរបស់នាង បានលួចយកនំប្រអប់ Pop-Tarts កាលពីពេលថ្មីៗនេះ។
យោងតាមសេចក្តីរាយការណ៍ របស់ប៉ូលីស នៅ Charlotte-Mecklenburg បានឲ្យដឹងថា ស្រ្តីជាម្តាយរូបនេះ មានឈ្មោះ Latasha Renee Love អាយុ ៣៧ឆ្នាំ បានរាយការណ៍ដល់ប៉ូលីសថា នំ Pop-Tarts របស់នាង ត្រូវបានកូនប្រុស របស់ខ្លួន លួចយកទៅ។ ក្រោយមក ប៉ូលីសបានស្រាវជ្រាវក្នុងរឿងនេះ និង បានធ្វើការចាប់ខ្លួន ក្មេងប្រុសរូបនេះ ពីបទល្មើស លួចកំរិតស្រាល ចំណែក នំដែលបាត់បង់នោះ មានតម្លៃស្មើនឹង ៥ដុល្លារអាមេរិក។ ទោះជាយ៉ាងណា ស្រ្តីជាម្តាយ បាននិយាយថា គាត់សំរេចចិត្ត អោយមានការចាប់ខ្លួន បែបនេះ ព្រោះតែកាលពីមុន គាត់មិនបានយកចិត្តទុកដាក់ លើបញ្ហាវិន័យ ជាមួយ កូនរបស់ខ្លួន ទើបពេលនេះ ត្រូវតែធ្វើអ្វីម្យ៉ាង អោយគេមានវិន័យល្អ ឡើងវិញ។
ភាពថតស្និទ្ធិស្នាលរវាង កុល ដាវី និង សុខ រក្សា កាលទៅសម្តែងនៅប្រទេសអាមេរិកបានធ្វើឱ្យគេសង្ស័យថាកញ្ញា កុល ដាវី មានទំនាក់ទំនងស្នេហាជាមួយនឹងលោក សុខ រក្សា។
តារាសម្តែង និងជាពិធីការិនីវ័យ ២៨ឆ្នាំរូបនេះ ពេលដែលឮគេខ្សឹបខ្សៀវនិយាយថា នាង និងលោក សុខ រក្សា ស្រឡាញ់គ្នានាងមានអារម្មណ៍មិនល្អឡើយ ព្រោះនាងខ្លាចបុរសជាច្រើនដែលតាមស្រឡាញ់នាងអន់ចិត្ត ហើយនាងបានបន្តទៀតថា នាង និងលោករក្សាគ្រាន់តែជាបងប្អូននឹងគ្នាមិនអាចមានស្នេហាបានទេ ហើយការថតស្និទ្ធិស្នាលបែបនេះ ព្រោះតែខ្ញុំនិងគាត់ធ្លាប់នៅផ្ទះទល់មុខគ្នានៅស្រុកកំណើតជាមួយគ្នា គឺនៅខេត្តបាត់ដំបង ហើយបើគេនៅតែនិយាយបែបនេះខ្ញុំលែងចង់ហ៊ានថតស្និទ្ធិស្នាលជាមួយបុរសណាទៀតហើយ បើគេនៅតែនិយាយបែបនេះទៀតខ្ញុំប្រេះទ្រូងស្លាប់ហើយ។ ហើយលោក សុខ រក្សា ក៏បានប្រាប់អាយញ៉ូវឱ្យដឹងដែលថា សូមបញ្ជាក់នៅភាពសង្ស័យទៅយើងទាំងពីរគ្រាន់តែជាមិត្តមិនអាចទៅមានរឿងស្នេហាអីនោះទេ ពួកយើងនៅក្រោមការគ្រប់គ្រងយ៉ាងត្រឹមត្រូវរបស់Sponsor ហើយលោកបានបន្តទៀតថា បន្ទាប់ពីចប់កុងត្រានៅអាមេរិក រូបលោកនិងអាវីបានបន្តទៅសម្តែងនៅប្រទេសកាណាដាបន្តទៀត ពួកយើងមមាញឹកនឹងការងារណាស់ ឯរឿងស្នេហាអីនិងគិតក៏មិនដែលនឹកផង សង្ឃឹមការបកស្រាយនេះ និងលែងមានពាក្យចចាមអារាមទៀត៕
ជាងថតរូបជនជាតិអ៊ីតាលីម្នាក់ Karsten Wegener និងសហការី Elena Mora បានរួមដៃគ្នា បង្កើតនូវរូបភាពលំនឹងដ៏អស្ចារ្យមួយ ដែលពណ៌នាពីគ្រឿងផ្សំមុខម្ហូប ដែរចាំបាច់ ក្នុងការចំអិនម្ហូបផ្សេងឲ្យឆ្ងុយឆ្ងាញ់ពិសា។
លោក Karsten និងសហការី Elena បានយកគ្រឿផ្សំមុខម្ហូបផ្សេងៗដូចជា អំបិល ស្ករ ត្រី ខ្លាញ់ និងបន្លែជាច្រើនមុខទៀត មករៀបវាលើគ្នាឲ្យមានលំនឹង ដែលមើលទៅពិតជាអស្ចារ្យខ្លាំងណាស់ មិនធ្លាប់បានឃើញពីមុនមកឡើយ។ ការបង្កើតរបស់ពួកគាត់ បានឲ្យឈ្មោះថា “Ticettario: A Balanced Diet” ដែលមានបួនមុខម្ហូប នឹងត្រូវយកមកបង្ហាញ។
លោកជុំ មី អាយុ៨៣ឆ្នាំ និងលោកប៊ូ ម៉េង អាយុ៧២ឆ្នាំ (បច្ចុប្បន្ន) កាលពីថ្ងៃទី២៤ ឧសភា ២០១៣ បានថ្លែងប្រាប់កោះសន្តិភាពតាមទូរស័ព្ទថា លោកសូមបដិសេធចំពោះការលើកឡើងរបស់លោកកឹម សុខា ប្រធានស្តីទីគណបក្សសង្គ្រោះជាតិដែលបានថ្លែងកាលពីថ្ងៃទី១៨ ឧសភា ២០១៣ ថា ទួលស្លែងជាកន្លែងសិប្បនិម្មិតដែលបានរៀបចំឡើងដោយទាហានវៀតណាម និងមិនមែនជាកន្លែងពិតទេ ។
ការលើកឡើងរបស់លោកកឹម សុខា បែបនេះ ពួកគាត់មិនអាចទទួលយកបានទេ ហើយជនរងគ្រោះទាំងពីរនាក់នឹងរៀបចំសន្និសីទកាសែតនៅព្រឹកថ្ងៃទី២៥ ឧសភា ២០១៣ នេះនៅសារមន្ទីរប្រល័យពូជសាសន៍ទួលស្លែងតែម្តងនឹងប្រកាសដោយដាច់អហង្កាពីការលើកឡើងរបស់លោកកឹម សុខា នេះ។ ជនរងគ្រោះពីរនាក់ដែលបានរស់រានមានជីវិតពីគុកទួលស្លែងនៃរបបអាវខ្មៅកម្ពុជាប្រជាធិបតេយ្យ(ប៉ុល ពត) ពីឆ្នាំ(១៩៧៥ដល់១៩៧៩) គឺលោកជុំ មី អាយុ៨៣ឆ្នាំ និងលោកប៊ូ ម៉េង អាយុ៧២ឆ្នាំ ក្នុងចំណោមមនុស្សតែ៧នាក់ដែលរួចផុតពីការកាប់សម្លាប់នៅគុកទួលស្លែង ហើយបច្ចុប្បន្ននេះអ្នកទាំង៥នាក់បានស្លាប់អស់ទៅហើយ ៕
ទីភ្នាក់ងារព័ត៌មាន ចិនស៊ិនហួរ បានចុះផ្សាយនៅរាត្រី ថ្ងៃទី២៣ ខែឧសភា ឆ្នាំ២០១៣ថា ការនាំ ចេញរបស់ប្រទេសថៃ គិតក្នុងខែមេសា បានកើនឡើងខ្ពស់ ជាង១០ភាគរយ ។ក្រសួងពាណិជ្ជកម្មថៃឡង់ដ៏ បានប្រកាសឲ្យដឹងថា ក្នុងខែមេសា ការនាំចេញបានកើនឡើងនូវ ទឹកប្រាក់ដល់ ១៨,៧ពាន់លានដុល្លារ សហរដ្ឋអាមេរិក ស្មើនឹង១០,៥ភាគរយ ។
លោកស្រី Vatchari បានបញ្ជាក់ថា វិស័យនាំចេញបានកើនឡើង ក្នុងនោះ ការនាំចេញគ្រឿង អេឡិចត្រូនិចមាន ចំនួន៤៥,២ភាគរយ សម្ភារៈអគ្គីសនីមានចំនួន ៤,៣ភាគរយ រថយន្ត និង ឧបករណ៍ផ្សេងៗ ទៀតចំនួន១៩,១ ភាគរយ សម្ភារៈសំណង់១៥,៨ភាគរយ គ្រឿងសង្ហារឹម ចំនួន១៧,១ភាគរយ វាយនភ័ណ្ឌ៧,៩ភាគរយ គ្រឿង សមុទ្រក្លាសេ និងអាហារការកែច្នៃ ដោយមិនរាប់បញ្ចូលបង្គា គឺមានចំនួន១១,៦ភាគរយ និងសាច់មាន់ក្លាសេ និងកែច្នៃមានចំនួន ១០,២ភាគរយ ។ រីឯ ការនាំចេញផលិតផល និងទិន្នផលកសិកម្មវិញបានធ្លាក់ចុះបន្តិច ក្នុងនោះមានស្រូវចំនួន ៨,៤ភាគរយ កៅស៊ូ ៨,១ភាគរយ និងបង្គាក្លាសេចំនួន៣០,៨ភាគរយ ។
តារាសម្ដែងស្រី Eva Longoria ទើបលេចរ៉ូបយ៉ាងអាម៉ាស់កាលពីប៉ុន្មានថ្ងៃមុន ប៉ុន្តែឥឡូវនេះនាងបានធ្វើឲ្យមហាជនកោតសរសើរម្ដង ព្រោះ នាងទើបទទួលបានសញ្ញាប័ត្រអនុបណ្ឌិតពីសាកលវិទ្យាល័យមួយនៅសហរដ្ឋអាមេរិក។
Eva Longoria បានចំណាយពេល៣ឆ្នាំសិក្សាថ្នាក់អនុបណ្ឌិតលើមុខវិជ្ជា Chicano Studies (មុខវិជ្ជាដែលសិក្សាអំពីបទពិសោធន៍នៃការរស់នៅរបស់ជនជាតិឡាទីននៅអាមេរិក) នៅសាកលវិទ្យាល័យ California State University ស្ថិតក្នុងរដ្ឋកាលីហ្វ័រញ៉ា សហរដ្ឋអាមេរិក។ Eva បានទទួលបានសញ្ញាប័ត្រ អនុបណ្ឌិតកាលពីថ្ងៃទី២២ ឧសភាកន្លងទៅថ្មីៗនេះ ដោយការមានការចូលរួមពីឪពុកម្ដាយព្រមទាំងមិត្តភកិ្តរបស់នាងជាច្រើន ប្រកបដោយភាពរីករាយ។ នាងក៏ធ្លាប់ទទួលបានបរិញ្ញាបត្រផ្នែកវិទ្យាសាស្ត្រពីសាកលវិទ្យាល័យ Texas A&M Universiy រួចហើយដែរមុននេះ។
បន្ទាប់ពីព្យុះ Tornado ដ៏សាហាវបានបំផ្លិចបំផ្លាញទីក្រុង Oklahoma ដែលជាស្រុកកំណើតរបស់ខ្លួនកាលពីដើមសប្ដាហ៍នេះ តារាចម្រៀង Carrie Underwood បានសម្រេចចិត្តបរិច្ចាគលុយចំនួន ១លានដុល្លារទៅឲ្យកាកបាតក្រហមអាមេរិកដើម្បីជួយដល់ជនរងគ្រោះ។
ជ័យលាភី American Idol ជំនាន់ទី៤C រូបនេះ បាននិយាយថា “ខ្ញុំពិតជាមានអារម្មណ៍ក្រៀមក្រំ និងសោកស្ដាយជាខ្លាំងនៅពេលបានឃើញហេតុការណ៏ដ៏អាក្រក់នេះកើតឡើងមកលើរដ្ឋ Oklahoma ដែលជាទីកន្លែងកំណើតរបស់ខ្ញុំ។ ដោយសារតែឆ្នាំមុនមានអ្នកចូលរួមទស្សនាជាច្រើនក្នុងកម្មវិធីប្រគំតន្ត្រីរបស់ខ្ញុំ ទើបខ្ញុំអាចមានលទ្ធភាពបន្តិចបន្តួច ចូលរួមបរិច្ចាគដល់កាកបាតក្រហមដើម្បីជួយសម្រាលទុក្ខលំបាកមួយចំនួនរបស់ជនរងគ្រោះទាំងឡាយ”។ ក្រៅពី Carrie Underwood តារាសម្ដែងប្រុស David Spade ក៏បានចូលរួមបរិច្ចាគលុយចំនួន ២០ម៉ឺនដុល្លារ ហើយកីឡាករបាល់បោះ Kevin Durant ក៏បានសន្យាថា នឹងជួយបរិច្ចាគលុយចំនួន១លានដុល្លារដែរ៕
តារាចម្រៀងអ្នកនិពន្ធបទចម្រៀងល្បី Ke$ha (Kesha Rose Sebert) របស់អាមេរិកបានធ្វើឱ្យផ្អើលកម្មវិធីទូរទស្សន៍ប៉ុស្តិ៍ MTV ដោយសារតែឯកសារជីវិតរបស់នាងមានចំណងជើងថា ”My Crazy Beautiful Life ” នាងបានផឹកទឹកនោមរបស់នាងដែលបានច្រកទុកក្នុងដប។
នេះមិនមានជាការឆ្ពិនភ្នែក ឬរូបភាពកាត់តទេ ដែលតារាចម្រៀងស្រី Ke$ha លើកយកទឹកនោមរបស់ខ្លួនឯងមកផឹកនោះ។ បើតាមបណ្ដាញព័ត៌មាន eonline បានឲ្យដឹងថា ការដែលនាងផឹកទឹកនោមខ្លួនឯងនេះ ព្រោះចង់ឲ្យមានសុខភាពល្អ។ ប្រធានក្រុមអាណាព្យាបាលប្រឹក្សាយោបល់ទូរទស្សន៍ បានថ្លែងរិះគន់ទង្វើរបស់នាងនៅក្នុងវីដេអូនោះថា ៖ “បើមានឱកាសនោះ ខ្ញុំជឿថាគ្មានឪពុកម្តាយណាចង់បង់ប្រាក់ឱ្យទូរទស្សន៍ខ្សែកាបដែលផ្សាយរឿងតារាផឹកទឹកនោមខ្លួនឯងទេ”។ បើមើលតាមរូបភាពវីដេអូ Ke$ha ប្រហែលមិនប្រាថ្នាចង់ឱ្យការផឹកទឹកនោមខ្លួនឯងក្លាយជាទម្លាប់ប្រចាំថ្ងៃរបស់នាងទេ៕
អាជ្ញាធរអូស្ត្រាលីមានចំណាត់ការគ្រប់គ្រងបរិមាណសត្វដោយបាញ់សម្លាប់សេះចំនួន១០.០០០ក្បាល ព្រោះលើកហេតុផលថា ពួកវាមានចំនួនច្រើនលើសការកំណត់ ធ្វើឱ្យប៉ះពាល់ដល់ទីប្រជុំជន ។តាមរបាយការណ៍ពីអូស្ត្រាលីបញ្ជាក់ថា អាជ្ញាធរបានបាញ់សម្លាប់សេះពីឧទ្ធម្ភាគចក្រ និងរំពឹងថា នៅដំណាច់ខែមិថុនា នឹងដាស់តឿនដល់ប្រជាជនឱ្យស្ថិតនៅឆ្ងាយពីភាគខាងលិចឆៀងខាងត្បូងតំបន់អាលីស ស្ព្រីង ក្នុងរយៈចម្ងាយ៣០០គីឡូម៉ែត្រ ព្រោះអាចមានមេរោគពីខ្មោចសត្វដែលងាប់ដ៏សន្ធឹកសន្ធាប់ ។
ព័ត៌មាននោះធ្វើឱ្យប្រជាជនដែលស្រឡាញ់សេះតវ៉ាប្រឆាំង ប៉ុន្តែអាជ្ញាធរបានផ្តល់ហេតុផលថា ចាំបាច់ត្រូវសម្លាប់ពួកវា និងគ្មាននរណាម្នាក់ចង់មើលឃើញពីការលំបាកវេទនាពីការឆ្លងជំងឺ បើបណ្តោយឱ្យពួកវាមានចំនួនច្រើនលើសការកំណត់ទេ ។លើសពីនេះជារឿងដ៏លំបាកមួយក្នុងការដឹកជញ្ជូនសេះទៅសម្លាប់នៅទីសត្តឃាតដែលមានរយៈចម្ងាយ១.៥០០គីឡូម៉ែត្រ ។ សត្វសេះធ្លាប់ប្រើប្រាស់ក្នុងកងទ័ពអង់គ្លេសនៅប្រទេសឥណ្ឌា និងអូស្ត្រាលី ធ្លាប់ប្រើប្រាស់សេះនៅក្នុងសង្គ្រាមលោកលើកទី១ ៕
និស្សិតប្រុសម្នាក់មានឈ្មោះថា ឈិន អាយុ ១៨ឆ្នាំ បានជិះកង់ទៅបុក ស្ត្រីវ័យ ៨០ឆ្នាំម្នាក់ កាលពីថ្ងៃទី១៧ ខែឧសភា ឆ្នាំ២០១៣ ហើយត្រូវគ្រួសារជនរងគ្រោះ បញ្ចូនជនរងគ្រោះ ទៅកាន់មន្ទីរពេទ្យក្នុងទីក្រុង Wuhan ប្រទេសចិន និងបានទាមទារសំណងចំនួន ៤៩,០០០ដុល្លារអាមេរិក សម្រាប់ថ្លៃព្យាបាល។
គ្រួសារជនរងគ្រោះ ចង់ដកហូតយក អត្តសញ្ញាណប័ណ្ណ របស់និស្សិតឈ្មោះឈិន បន្ទាប់ពីទាមទារសំណង ដើម្បីជាថ្លៃព្យាបាល ចំនួន ៤៩,០០០ដុល្លារអាមេរិកមិនបាន ព្រោះនិស្សិតឈ្មោះ ឈិន មានលុយតែ ៥សេនប៉ុណ្ណោះ។ ដោយសារតែគ្មានលុយ ហើយគេគំរាម ចង់ដកហូតយក អត្តសញ្ញាណប័ណ្ណរបស់ខ្លួន និស្សិតប្រុសឈ្មោះ ឈិន បានទាញកាំបិតចិតផ្លែឈើ ចាក់ចំស្ត្រីម្នាក់ ដែលជាសមាជិកគ្រួសារជនរងគ្រោះ និងបានចាប់គ្រូពេទ្យស្រីម្នាក់ ដើម្បីធ្វើជាឈ្លើយតែម្តង។ បន្ទាប់ពីមានហេតុការណ៏នេះ ប៉ូលីសក៏បានមកដល់កន្លែងកើតហេតុ។ និស្សិតឈ្មោះឈិន ដោយសារតែមានការភ័យខ្លាចខ្លាំងពេក បានចូលទៅក្នុងរថយន្តប៉ូលីស ជាមួយនឹងអ្នកគ្រូពេទ្យ ហើយឲ្យប៉ូលីសបើកទៅរកកន្លែងស្ងាត់។ យ៉ាងណាមិញ រយៈពេលប្រហែលជា ១ម៉ោងក្រោយមក ទើបក្រុមប៉ូលីស អាចជួយសង្គ្រោះអ្នកគ្រូពេទ្យ និងឃាត់ខ្លួននិស្សិតប្រុសនោះ ដោយប៉ូលីសបានប្រើពាក្យសំដី បញ្ចុះបញ្ចូលនិស្សិតរូបនោះ រហូតដល់គាត់ ព្រមលែងអ្នកគ្រូពេទ្យ និងឲ្យប៉ូលីសឃាត់ខ្លួនតែម្តង៕
នេះពិតជារឿងដ៏គួរឲ្យរន្ធត់មួយ ដែលបានកើតឡើងចំពោះបុរសជនជាតិប៉ូឡូញ អាយុ៣៣ឆ្នាំម្នាក់ ដែលផ្ទៃមុខទាំងមូលរបស់គាត់ត្រូវបានដាច់រហែកខ្ទេចខ្ទី គ្មានសល់សាច់សូម្បីតែមួយដុំ ដោយសារតែគាត់បានរអិលដួលចូលទៅក្នុងម៉ាស៊ីនកាត់ថ្មមួយគ្រឿង ក្នុងកំឡុងម៉ោងការងាររបស់គាត់។
អ្នកស្រី ពាន់ ភួងបុប្ផា បានឲ្យដឹងថា នៅក្នុងរយៈពេលដែលអ្នកស្រីបម្រើការងារនៅទូរទស្សន៍ស៊ីធីអិន អ្នកស្រីទទួលការគាំទ្រយ៉ាងច្រើន តែនៅពេលនេះអាជីពដឹកនាំរឿង និងនិពន្ធនោះត្រូវបានបញ្ចប់ហើយ។ តើហេតុអ្វីអ្នកស្រីបញ្ចប់អាជីពនេះនៅស៊ីធីអិន។
លោក Terry Bollea ដែលជាអតីត អ្នកកីឡាកាស របស់សហរដ្ឋអាមេរិក ដ៏ល្បីឈ្មោះបំផុត ហើយ មនុស្សភាគច្រើន នៅលើពិភពលោក ស្គាល់ឈ្មោះគាត់ថា Hulk Hogan នោះ នៅពេលនេះ បានធ្វើការប្តឹង ទាមទារ ១០០ លានដុល្លារអាមេរិក ចំពោះការលេចធ្លាយ ឃ្លីបវីដេអូសិច របស់ខ្លួន រួចមក។
Hulk Hogan បានមានទំនាក់ទំនងផ្លូវភេទ ជាមួយនឹងប្រពន្ធ របស់មិត្តជិតស្និត របស់គាត់ ម្នាក់ កាលពី ៦ឆ្នាំ មុន ហើយត្រូវបានកាម៉េរាសង្ងាត់ នៅក្នុងបន្ទប់នោះ ថតជាប់សកម្មភាព របស់គាត់។ យ៉ាងណាមិញ ទើបតែពេលថ្មីៗនេះ វីដេអូឃ្លីបនោះ ត្រូវបានលេចធ្លាយ លើប្រព័ន្ធអ៊ិនធើណេត បង្កការភ្ញាក់ផ្អើល និង ធ្វើអោយខ្លួនគាត់ផ្ទាល់ មានការខឹងយ៉ាងខ្លាំង។ គាត់បានធ្វើការប្តឹង មិត្តភក្តិរបស់គាត់ម្នាក់ និង គេហទំព័រមួយ ដែលជាប់ពាក់ព័ន្ធ នៅក្នុងរឿងនេះ ទាមទារនូវទឹកប្រាក់ ចំនួន ១០០ លានដុល្លារអាមេរិក។ ទោះជាយ៉ាងណា មិនទាន់ដឹងថាលទ្ធផល ក្នុងរឿងក្តីនេះទៅជាយ៉ាងណា នៅឡើយនោះទេ ដោយមេធាវី របស់គាត់ កំពុងតែចាត់ការ នៅក្នុងរឿងនេះ។
